تأثرت كثيرا بالروايات وقصص العشق فكانت نهاية مأساوية
من مجهول
تاريخ النشر: 17-02-2017 8 إجابات
السلام عليكم انا مشكلتي اني بنت جميله كمان حساسه اوي كمان شاعره ورسامه بحب القرايه ورسامه رافضه ارتبط الا بروح شبه روحي اتخطبت وفسخت لانه طلع كداب وميوليه غير ميولي شباب كتير اوي حاولت تتقرب مني وترتبط بيا لكني رفضت علشان مش حسيتهم لحد ما قابلته ادي ايه مثقف انيق في مشاعره ارتبطنا حبيبته اوي كنت حد رقيق اوي معاه كنت علطول بسال بهتم بسامح بكتبله شعر واعمله مفاجآت مهما غلط كنت بسامح عشقته هوكمان كان بيقولي كده مكنتش بقوله لا علشان مش يسيبني وسابني من غير ما اعرف ليه من غير ما اعرف انا عملت ايه بعت رسايل كتير مفيش رد وسكت ورضيت وبعدت يمكن هو شايف في البعد راحته بس المشكله فيا اني ادمرت من جوايا بقيت باخد مهديء بقيت انام كتير اوي شغلي مش قادره اركز فيه تعبانه صحيا ونفسيا مش قادره انساه المشكله اللي بجد ان الروايات وقصص العشق ماثره عليا اوي بشكل غريب نفسي حتي يكلمني يقولي ازيك ازاي اقدر ارجعه تاني او اعمل ايه علشان اعرف اكمل حياتي بدعي عليه وفي نفس الوقت ليل نهار افتكر اللي كنا بينا حد فاهم حاجه علطول اشوف اخر ظهور اخر بوست اخر اتصال بموت لو لاقيت معاه مكالمه حياتي وقفت نفسي يرجعلي بس بعت كل حاجه من أسئله ومفيش رد حتي لما رد رد بمنتهي القسوه ليه الراجل يسيب واحده معملتش حاجه غير انها عشقته ووثقت فيه
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
أخصائية علم النفس والتثقيف الصحي ميساء النحلاوي من الممكن جدا انه خاف من كثرة الرومانسية فشعر انك تقيدين حريته ولا يستطيع مجاراتك ومن الممكن ان ظروفا طرأت عليه .. مهما كانت أسباب ابتعاده فلا شيء يبرر ان تدمري حياتك بهذه الطريقة. اخرجي من عالم الروايات فهو غير واقعي، مررت بتجربه فاشلة كآلاف الفتيات والشبان، تعلمي منها لكن لا تجعلي حياتك تتوقف عندها. انت في عز شبابك وفرصة كثيرة، أفيقي غدا بهمة جديدة وابدئي حياة جديدة واهتمي بنفسك وعملك فما نهاية الحالة التي وضعت نفسك بها؟ لا احد يستاهل كل هذا، دهب في طريقه فاذهبي انت أيضا في طريقك وستوفقين، وظفي مهاراتك ورسمك وشعرك في سعادتك ولا تحزنيً وتذكري دوما ان الافضل قادم باْذن الله. 
من مجهول انت غلطانة. كثر الاهتمام بالراجل تجعله يفكر انك تريدي السيطرة عليه وتفرضي قيودك عليه وهذا مايرفضه الكثير من الرجال انسيه تماما ولعاد تفكري فيه ياعزيزتي. وبطلي عالم الروايات. دي فهو غير واقعي وعيش حياتك مثل كل البنات حتى تلاقي الشخص المناسب لك وارجع وقلك الثقة والتفاهم اساس نجاح العلاقة بين الرجل والمراة اتمنى انك استفدت من ماحصل معك وتحياتي لك
من مجهول بسم الله الرحمن الرحيم حبيبتى زى ماحصل معك حصل معايا وايه اللى بيحصل مش عارف انا وانتى وكل انسان بيحب العشق والغرام المبنى على الزواج بالنسبه للناس المحترمين لكن لايمكن اجعل الحب يدمرنى او يأثر فيا زيك او يجعلنى افقد صوابى او اتزانى ولابد ان ربننا بيكرمك بواحد احسن منه منذ شهر تقريبا بدون تفاصيل تعرفت عليا واحدة وحبتنى جدا وبعتت رساله ورديت عليها وبعد كلام رومانسى قالت ارسل لى رقمك وتحدثنا فى الهاتف واتفقنا على الزواج وكانت تقبلنى فى التليفون بحرارة وتقولى وصلت رسالتى لك مش عايز اقولك كنت طاير زى الفراشة من حلاوة الحب والرومانسيه واتفقنا على ان اذهب مباشرة لطلب يدها هى من محافظة عريقة على البحر وانا من محافظة قريبه من القاهرة انا لدى ايضا شقة فى العاصمة وكل شئ على مايرام وكانت متفقة معى ثم اجد فى بعض الامور انها تتراجع وتغير رأيها والله لغاية ماقولت لها امسحى ارقام موبايلاتى وكل شئ اتصلت وقالت لا انا عايزاك وقبلتنى بحرارة لغايه ماسمعت صوت دموعى على الرغم الرجل لايبكى لان فى مثل بيقول اذا وجدت دموع الرجال اعرف ان الهموم قد الجبال قولت خلاص وثم فوجئت عندما قررت الذهاب لها قالت انا مش هعيش فى محافظتك لانها بعيدة ولو لقيت واحدة ثانيه تزوجها وتغير رأيها قولت لها اشترى لك شقة على البحر كمان بكن دا تلكيك المهم قالت ماترنش عليا مش كره فيك ولكن مش مستريحة معك ليه مش عارف على الرغم لسه لا خطوبه ولا مقابلات ولا يحزنون وطيب والقبلات فى الهاتف والحب دا كله راح فين فص ملح وذاب وهى اللى تعرفت عليا وانا اردت تركها رفضت اذا يا اختى فى حاجة غلط فى نفوس البشر لكن فى حب ورومانسية وكل شئ بس مش مع المصريين والله ماتعرفى الخير فين واللى يعملوا لكى ربنا افضل مليون مرة من الى كان معك ولاتحزنى على احد واخر رساله ارسلتها لها منذ اسبوع وقولت لها انا الان زى الفل وتعلقى بيكى تلاشى نهائى وسكت والله ربنا رزقنى بواحدة والحمدلله من دوله على المحيط الاطلنطى من عائله عريقة جدا ومحترمة جدا ورائعة الجمال وهى اللى ارسلت لى وانا قبلتها مش عايز احكيلك ايه دا والله كتبت اشعار لى مش ممكن اتى الرومانسية والحب والعشق الحقيقى والصدق والرقة والانوثة والاحترام وان شاء الله انا هحجز الطيران واسافر لمقابله اهلها عندما نحدد الموعد والله جاءت لى من سنين قليله رحله الى 3 دول اوربية على طبق من ذهب نتيجة زواجى من إمرأة اوربية ولكن حفاظا على دينى رفضت لان مسيرها الى الفشل لاتقلقى لكن اختارى صح وفقك الله 
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الحب والعلاقات العاطفية
احدث الوصفات
احدث اسئلة الحب والعلاقات العاطفية
اسئلة من بلدك
احجز استشارة اونلاين
