ساعدوني فلا أستطيع أن أكون مثل السابق معه

انا بنت و عشت قصة حب مع شاب دامت اكثر من 4 سنين . لكن المشاكل بيننا كانت كثيرة جدا وهو ما جعلنا نفكر في الانفصال . في تلك الفترة اخي تعرف على فتاة و كا حابب يخطبها و رحنا تعرفنا على اهلها و كان عندها اخ في العقد الثالث . عجبني في تربيته و اخلاقه و مستواه الثقافي و بعد مدة صرنا اصدقاء و كنا نحكو كل يوم و يعرف و بعرف عن حياته كل شي . و الشاب الي كنت معه كل مرة تصير حاجه . مرة نترك بعض و مرة نرجع . انا بعرف انه كان راجل معايا بس المشاكل كثيرة و ما بيهتم بيا لكن صديقي هذا كان معيرني كل الاهتمام يلي ناقصني و بيتقبل كل شي مني . و بعد فترة صارحته اني بحبه بس هو كان بيقلي انه ما بيفكر يرتبط و لسه بكير و انه شخصيتي قوية و بيتمنى زوجته تكون مثلي و يطمني انه في نصيب بالنص . و طبعا انا ما زعلت بس طلبت منه ينسى كل شي و بنرجع اصدقاء و هو وافق و بقينا على هذا الحال . و بعد فترة خبرني انه تعرف على بنت و صاروا سوى يعني ارتبطوا . انصدمت كتير بس قلت عادي المهم اني اكون بجنبه . و صار يحكيلي عن مشاكلهم و انه بيفكر يسيبها و انا بقنعه يصالحها و برجعهم لبعض . بس قلبي كان بيتقطع و ما بقدر احكي شي . و بهذه الفترة هي صارت بتتضايق من رفقتنا و بتعملو مشاكل و حكالي و انا قلتله انه معها حق و لازم نبطل نحكي و جاوبني انه هي مو زوجته و مو خطيبته و هو يلي يقرر اذا يكمل يحكي معي او معها و قلي انه لو هتكل على هالحال راح يتركها و انا ما قبلت و قلتله انه من حقها و لازم يتقبل كلامها و بيبطل حكي معي . و فعلا حسيت راح اظلم حالي لاني بحبه و تعودت عليه كتير بس قلت ما بيصير اكون سبب في مشاكلهم و هو رفض انه نبطل نحكي و قلي انا حاسس فيكي و انت كتير طيبة و حلوة و كل شي قسمة و نصيب و في احتمال كبير انه ما تكون هي يلي راح كمل معها حياتي . و خلاها تطلب مني السماح و وافقت انه نظل نحكي متل قبل . بس انا ما قبلت و بطلت احكي معه و ما بجاوب ع رسايله الكتيرة . ماني قادرة انساه و ما عم اقدر ارجع ليلي كنت معه اربع سنين و ما عم اقدر اعرف حدا تاني . لو سمحتم انصحوني شو اعمل انا بحاجة لارائكم