أصبحت مريض بحبها وهي لا تريدني

السلام عليكم اريد حل لمشكلتي اني شاب عمري26سنه مقيم واشتغل بالاردن ومن فترة إلتقيت ببنيه على مجموعه بالفيس بوك وعجبني طريقة تفكيرها ومناقشتها للامور وغير هيج انها متعلمه وعندها مفردات وافكار ما سامع بيها بحياتي وغلبتني بالفلسفه والثقافه بكل مجال وحتى انها طيبه وتعرف شلون تنطي الفرحه والإبتسام وكل يوم صرت انجذب لها وأحبها واشتاقلها واغار من يحاول اي احد يلفت نظرها له واخاف عليها من تغيب واي احد يسالني بالشغل بالفيس شنو حالتي العاطفيه والإجتماعيه اقول مرتبط وكنت دائما احس انه عدها مشاعر متبادله اتجاهي اني ما تصورت احب بحياتي لان مررت بظروف خلتني قاسي جدا ودفش مثل ما تقول لي هيه . غيرتني كثير وروضتني صرت اقرأ كتب اكثر واكثر وخصوصا بمجال دراستها حتى اعرف اناقشها وأسجل بكل مجموعه تعجبها وصرت خفيف الظل شويه ، للحظه هاي ما اعرف اذا تحبني لو لأ لكن احس انه في مشاعر اتجاهي . حاولت اكثر من مره اعترفلها انه اني معجب بل وعاشق لها وغيور وكاتب لها اكثر من قصيده لكن كل مره تصدني وتقول قلبها ميت وانهو لأ افهم مناقشتها معي غلط وانهو ما يصير لبس عندي واعرف انهو يلي راح احجيه بعد شويه غلط وجذب وخداع واني ما ارضاه على نفسي ابد لكن هذا يلي كان موجود وما قادر اسيطر او اطلع منه انشات حساب بإسم بنيه وصرت احجي منه معها واقلها عن مشاكلي اليوميه ونتناقش بكتب وارسلها قصائدي وكل يوم يزيد حبي لها وتعلقي بيها ومن فترة قلت لها انه إلي اخ واني اشوفها عروس له وانه تشاور اهلها وبأي وقت حتى نطلبها لكنها قالت انه اهلها ما يزوجون غير اردني ...والله والله العظيم أحبها واني صرت مدمن لها ومريض بيها ما اعرف شلون اخلص من هالشيء وما اريد اخلص منه ، اي اعرف غلطان وانهو لازم ما استمر بجذبتي معاها ولكن مشاعري اقوى من عقلي ومن التفكير