تزوجت ولم أستطع للأن نسيانه

السلام عليكم مشكلتي كالتالي انا ف2011كنت انا واختي كنقراو وكنا بعاد على دارنا وكان واحد السيد قريب لينا فالسكن الله يرحمو هو كان دايرنا بحال بناتو واحنا درناه فمقام الاب ديالنا المهم هو ولادو بعاد عليه وكان عايش بوحدو مرة مرة كنا نخملو ليه ونصبنو ليه المهم كنحسبوه واحد منا وحتى هو كان مكيخصر لينا خاطرنا وكان كيقول ليا انا بنتو التالتة المهم دازت الايام وهو يمرض مسكين ومكاين اللي يقابلو واحد ختو كانت مرة مرة كتجي طل عليه وتمشي يعني ممعتانياش بيه كتجلس معاه مدة دبال 5دقايق وتخرج ملي مرض ولى كيسواني كانت هيا كتمشي معاه للطبيب فمدينة اخرى يمشيو صباح ويجيو فالعشية صافي هيا كتمشي وحنا اللي كنقابلوه وملي ولادو سمعوه مرض عيطو عليه وباش يشوفوه طلبو منا السكايب باش يهضرو معاه فيديو وفعلا عطاهم المهم كان ولدو كيسول فيه والبنت حتى هيا حتى مات الله يرحمو ملي مات داوت و بحكم البلاد اللي فيها ولدو وطبيعة الخدمة ديالو حتى داز شي اسبوع عاد جا المهم سلم علينا كاننا واحد من العائلة شفناه موراها ملي بغا يسافر جا وتوادع معانا معاه واحد ختو من باباه عايشة فالمغريب مهندسة كانت مرة مرة كتجي تشوف باباها الله يرحمه المهم الولد مشى سافر ودازت مدة عاود الاتصال بيا انا وختي عادي وبقا كيقول لينا شكرا حيت تهليتو فبابا وحنا اللي كنا معاه حتى مات و بحكم شهادة ديال الجيران والناس اللي حضرو ليه الموت عاودو ليه اننا كنا مهلين فيه .... المهم قلنا ليه بلي كان فمتابة الاب ديالنا فعلا دااازت مدة وحنا كنهضرو مضاصرين على بعضيانتا حيت ملي كان كيهضر مع باه كان كيضحكو ويشد فيه هو شخصية مرحة يعني كنا مطلوقين معاه فالهضرة حتى واحد النهار قاليا واش تبغي تزوجي ؟؟؟قلت ليه واش لقيتي ليا شي راجل ؟؟؟قاليا هاهو قدامك كيقصد هو المعني بالامر انا مصدقتوش اولا كنت كنهضر معاه عادي عمري توقعت هضرتو وتانيا انا عمري فكرت فيه للزواج لاسباب عدة اصلا مستوايا قدامو متدني وتانيا انا اكبره بسنتين المهم كنت اضنه يمزح لكن طول كل مرة كيقولها ليا صافي قالها لماماه وهضرات معايا وقالت ليه الله يكمل بالخير اصلا هو باغي بنت ناس طيبين وداكسي شافو فيا كيفما قال حيت انا قلت ليه واس باغيني للزواج شفقة؟؟؟او رد دين؟؟؟قاليا بغيتك لاصلك المهم تعلقت بيه وبغيتو وحبيتو وحتى هو كدلك دازت مدة عامان وحبي ليه زاد كبر هو يدخل المغريب جا عيط ليا شفتو انا وخالي من بعد جا للدار خطبني الدار وافقو حيت كيعرفو باباه كان رجل طيب الله يرحمه المهم هو مكانش عندو الوقت وجاي مقرر يدير خطبة وعقد مجاب معاه حتى واحد حيت امه اللي عنده عايشة بره ومبغاش يدخل عايلته قال انا اللي اختاريت وانا اللي باغي نتزوج وعايته فيها المشاكيل مبغاش يحضرهم فعلا جمع وراقي ديالو وحتى انا وفي اليوم الموالى عوالين نديرو العقد الغد ليه جات جداتو كتغوت وكتهمني بلي بغيت نتزوجو بالغصب وكتدير بلبلة من بعدها قالو لياوالديا مديري والو هدشي فيه الصداع معندك مديري بيه نوضات جداتو الصداع وفرقنا داكشي ودازت مدة سديت انا كلشي وهو جا شي مرة وصونا ليا وقلت ليه مكنعرفكش وقطعت عليه وانا دابا تزوجت ومزال مقدرت ننساه كل نهار كنفكر فيه رغم انه تزوج وشاف حياتوعندو جوج بنيات انا مقدرت ننساه وفنفس الوقت مقدرتش نبغي زوجي وضميري كيعدبني حيت زوجي كيبغيني وكيحاول يسعدنى رغم انه على قد الحال عفاكوم شي حل والا شي نصيحة