هل أسامح وأنسى كل الذي حصل؟
![هل أسامح وأنسى كل الذي حصل؟](https://static.hellooha.com/revamp/assets/imgs/logo-desktop.png)
انا حبيت شخص ضلينا سنتين بعد فترة بيعترفلي الشب انو هو بحب بنت غيري وانو انا كنت مجرد تسلاية بحياتو قلي انو هو والبنت كانو سوا لسبع سنين وبعدين اهلها رفضو يزوجوه ياها لانو مابدهن يغربوها ( الشب عايش ببلد اوربي) و قلي انو هو كان مفكرني بنت متل هالبنات بتتسلى و ماتوقع اني حبو بصدق و لانو ضميرو صار يعذبو اعترفلي بهالشي بعد هاد الحكي عرفني عاهلو وحكا مع اهلي انو مشان يصير خطبة و قلي انو هديك البنت خلص انتهت ( انخطبت لغيرو بدون ما يعرف ) و انو هي جرحتو و انو انا احسن بنت عرفها بكل حياتو ضليت متأملة فيه بعد فترة بقلي انا في سبب صار معي ومافيني اتزوجك و انتي بتستاهلي احسن شباب بالدنيا انا هلأ حاسة بابشع انواع المشاعر اول شغلة كرهانة حالي لاني بصراحة خلال هالسنتين قبل مااعرف بقصة هالبنت كنت حس انو في شي مو طبيعي بس انا ضليت متمسكة فيه حاسة انو غبية كتير وانو انضحك عليي يعني بقول مو الحق عليه الحق عليي اني ظلمت حالي و مشيت بهيك طريق وكل مااتذكر كلمات الحب و الغزل يلي كنت شوفها منو هلأ بتذكرها و بحس انو يالله هاد الشي كلو كان الها وانا منت التهف و فكر الي وانبسط كتير احياناً بكرهو كتير للشب و بدعي عليه ليش ليوهمني بحبو و هو قلبو وعقلو لحدا تاني و بنفس الوقت مابلومو بقول هو مو ذنبو انو حبها انا بنت حلوة و بجيني عرسان كتير بس ماعم فكر ارتبط بغيرو لحتى انسى حتى مااظلم الشب يلي بدي ارتبط فيه في كمان مشكلة انو هاد الشب يلي بحبو هو ماعم يتركني بقلي انو انا اساس بحياتو انا والله تركتو كتير ومسحت اي شي بوصلني الو بس الشب ماعم يتركني لانو تعود عوجودي احياناً بقول انو اذا سايرتو يمكن خليه ينساها بالنهاية هي خلص صارت نصيب غيرو و بنفس الوقت ما بقدر اتخيل حالي معو والبنت صارت حسرة بقلبو لانها مو الو كانت و انا بستاهل شب يحبني بجنون لو سمحتوً لاحدا يحكيلي عن الحرام والحلال اقسم بالله والله يشهد الامراض و التوتر و الاكتئاب يلي عانيتو لاني مشيت بطريق بخالف رضا الله و يخالف مبادئي وانا فعلاً بشعر براحة وقت ارجع لله مع العلم اني بنت قوية وعنجد مابخلي شي يعكر مزاجي و قادرة اتخلى عن هالشب و عيش حياتي بس بدي حل لمشكلتي مع الشب برأيكن ممكن ينساها و كمل معو واغفرلو ذنوبو و يصير يحبني الي بدون ما يتذكر هديك البنت ابداً ( اذا صار زواج لانو اهلو حابيني كتير وعم يوزو براسو يرتبط فيني بس هو خايف يظلمني و عم يستنى تزبط نفسيتو ) وكيف اتعامل معو لانو برجع دايماً لعندي وبحكيلي عن مشاعرو وانا كتير حلفت ما ارجعلو بس وقت شوفو مقهور عنجد بدايق عليه و برجع بسامحو و لا كانو شي صار لو سمحتو عطوني حلول كيف اتصرف معو بذكاء
شارك في الاجابة على السؤال
يمكنك الآن ارسال إجابة علي سؤال
![علم United States](https://static.hellooha.com/revamp/assets/flags/us.png)
كيف تود أن يظهر اسمك على الاجابة ؟
- الدكتورة سناء مصطفى عبده ولماذا ترضين على نفسك ان تكوني بديلة لأخرى؟ وبما انك جميلة ومثقفة وواعية لماذا رتضين على نفسك ان تتبهدلي بهذا الشكل وقد اكتشفت انه يضحك عليك وانك لعبة بيده ولن ينساها ولن تذهب حسرتها من قلبه، وسيبقى يذكرها وستعيشين في عذاب لا ينتهي لان كل كلمة سيقولها لك ستكونين متأكدة انك لست المقصودة بها وسيكبر الشك والغيرة في قلبك وستذكرينه بها طوال الوقت وتزيد المشاكل بينكما واعتقد ان الحياة الزوجية لن تكون سوية بينكما وحتى لو تزوجتيه، لذا لا تنقهري عليه بل انقهري على نفسك وعلى اهلك وعلى تعبهم عليك لتتبهدلي بهالشكل، والموضوع ليس انه اخطأ ويريد ان تسامحيه، الموضوع علاقة سبع سنين كان يضحك عليك ويكذب ويستبيح عواطفك، هي ليست نزوة لتغفري وتتابعي، هو سبق ترصد واصرار، وتقدم لها ولو لم يرفضوه اهلها لتزوجها، لذا احذري واهتمي بنفسك وبشبابك واهله لن يتزوجوك ولن يسعدوك بل تريدين رجلا تعتمدين عليه، والله اعلم بقرارة النفوس ولكن انصحك بالابتعاد عنه وطي صفحته والزمن كفيل بان تنسيه وتعيشيت حياتك. وربي يوفقك.
- 0
- اعجبني
- .
- اضف رد
- .
- عرض الردود
- .
- 15-01-2018
-
- 0
- اعجبني
- .
- اضف رد
- .
- عرض الردود
- .
- 13-01-2018
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الحب والعلاقات العاطفية
احدث الوصفات
احدث اسئلة الحب والعلاقات العاطفية
اسئلة من بلدك
احجز استشارة اونلاين