خائفة من موضوع الزوجة الثانية فهل أقبل؟

انا اتعرفت على واحد متزوج وعنده طفلين من تقريبا 3 سنوات بعد طلاقى وكان بيقولى انه بيحبنى كتير بس مش عارف بكره ايه اللى هيحصل ممكن نتزوج ممكن لا وانا كنت اتعلقت فيه كتير ومن كتر حبى ليه كنت بوافق احيانا على طلباته ونتكلم فى الجنس وهو كان مستعد يزن اسبوع بحاله عليا عشان اوافق بس الكلام ده بيفضل كلام و فى مره اتقابلنا وكان عايز يعمل كده معايا ومشيت يومها وقررت مش هقابله تانى وبعدت عنه وقفلت اى طريق يرجع يكلمنى منه بس هو فضل اكتر من سنه ونص عايز يرجع لحد دلوقتى وانا رافضه كلمنى برده بيطلب منى اتجاوب معاه فى الكلام وانه نفسه فيا بس انا قلتله مش هيحصل نهائي تانى وانى ندمانه .هو مستواه مادى واجتماعي فوق الممتاز ومنصب وكل شويه يعرض عليا اخد فلوس منه ومبالغ كبيره جدا بس انا برفض ويقولى انا حابب اساعدك هو اكبر منى ب 3 سنوات وحاليا لما فاض بيه منى وشاف انى مش هتجاوب معاه بيفكر انه يتجوزنى رسمي.انا حاسه الموضوع هم على قلبى لان مش هقدر استحمل اكون زوجه تانيه ولا انا بخرب بيوت الناس هو اللى بيطاردنى علطول ومش عارفه اعمل ايه انا قولتله مش هعمل حاجه غلط اللى عايزنى هيكون فى الحلال وبس ومطلبتش منه يتقدملى وهو مش من نوع اللى بيكلم بنات ولا بيخون مراته انا البنت الوحيده اللى بيكلمها على مراته وحتى معندهوش مشاكل معاها بالعكس بيحبها وهى بتحبه ومعرفتى بيه كانت صدفه وهو فى حاجات حلوه كتير ومميزات اكتر من عيوب واستحمل منى كتير بس خايفه من موضوع الزوجه التانيه ده.عايزه نصيحه وخصوصا لو واحده كانت زوجه تانيه