تائهة بين شاب انتظرني منذ كنت صغيرة وبين حب حياتي

السلام عليكم انا عمري 23 سنه والحمد لله ابي قاضي وامي مديره مكتب وعندنا بالعيله الكل متعلم ومتوظف وانا الحمد لله بدرس موضوع الهايتيك وبرضو الحفيده الاولى عند الجدين وما في عنا بالعيله بنات غيري والباقي كلهم ولاد واصغر مني وبرضو عند عمي نفس الشي ما في بنات . الاشي يلي صار معي انو انا بحاول اكون بعيده عن الشباب بس في شب وانا عمري 16 سنه كان يضل يحاول يحكي معي بس انا ما اعطيته المجال لانو متفق عليه بس اخلص تعليمي رح اتجوز ابن صاحب ابوي يلي هو اكبر مني ب 15 سنه وهو اليوم دكتور جراح . الشب ضل يحاول يتقرب مني وانا ابعد عنه وحاول يحكي معي وانا ارفض لاني عارفه انو نصيبي لابن صاحب ابوي . وضل الشب على هاد الحال لمده ست اشهر فانا وافقت احكي معه فشوي شوي صرت اعجب فيه وبعدين حبيتو بس ما حكيتلو ولما صار عمري انا 17 سنه يوم عيد ميلادو ال 19حكيتلو عن كلشي انو انا حبيتو بس انا لشخص ثاني وهو بستناني عشان اخلص تعليم جامعي ونتجوز . فقلي المهم احنا منحب بعض . فانا محتاره بين دكتور عمرو 37 سنه ومن هو صغير بستنا فيي . وبين يلي بحبني بس امو ربه بيت وابوه عندو كراج ويلي بحبو ما بدو يكمل جامعي وبدو يساعد ابوه بالكراج الشغل مش عيب بس زي ما حكيت انا البنت الوحيده في العيله واهلي مش راح يقبلو بأي شخص فانا جدا حابه اكون مع يلي بحبو واذا حكيت اني حبيت الدكتور بيوم من الايام رح اكون كذابه .