أتعامل مع هذا الشخص بقسوة بالرغم أن لاذنب له بذلك

الموضوع ابتدا من ابلكيشن صراحه اللي مفروض مش بيعرف مين شخصيه اللي بيصارحك كانت بتجيني رسايل اعجاب من شخص هيا رسايل محترمة وكانت اغلبها مدح فيا وفي شخصيتي مكنش الموضوع في دماغي اعرف مين لان انا واحده متفوقه في كليتي ومش بهتم كنت عملاه تسلية لوقتي الفاضي مش اكتر لان حياتي كلها دراسة..المهم جه في يوم واحد زميلي في الدفعه هوا محترم كلمني وقالي ان في واحد من الدفعه الاكبر مني فاضله كام شهر ويتخرج كلمه عني وعشان انا الكل عارفني اني مليش اي علاقه بأي ولد خارج حدود الزماله والدراسة كان خايف يقولي زميلي ده عن الموضوع بس عرفني عشان يرضي ضميره..قالي ان الشخص ده المعجب الي بيبعت ع صراحه بيفكر يتقدملي بعد التخرج وانه معجب بيا ومش عارف يواجهني ازاي لاني مش بدي فرصه لحد وانه اختاره هوا عشان عارف البنات نفوسها مش كويسه وان كل الحكايه ان قرر يكشف عن شخصيته عشان نيته خير..انا كانت ردت فعلي ان قولتله ليا بيت واهل ياجي يتقدملهم وساعتها اقرر ..وفعلا اللي معجب بيا معترضش ع كلامي وقطع كلامه ع صراحه ولا عمره ضايقني او وقفني في الكليه لانه مش عاوز يضايقني بحاجه..ومرت الشهور بعتلي رسالة ع صراحه بيقول انه تعبان جدا وعنده مشاكل ومحتاج اني اقف جنبه ع الاقل معنويا يعني يحكيلي وانا اسمعه بس من غير رد لمجرد انه حاسس انها حاجه هتريحه ..الموضوع ان الشخص ده ابن ناس ومحترم واخته معيده في الكليه وجوز اخته كمان ومرضيش يبعتهم عشان مش عاوز يدخل حد كبير لحد ما يعرف رد فعلي انا ..انا مش مضايقه من الحوار لكن كل القصه ان جوز اخته الدكتور كان درسني قبل كده قبل لكني حاسه انه ظلمني في التقدير وانا اتكسرت بمعنى الكلمه لان حسيت ان تعبي راح ..لكن انا فعلا بتعامل مع الشخص ده بقسوة لاني حاسه اني ممكن ارد فيه جزء من الظلم اللي وقع عليا وانا عارفه انه ملوش ذنب بس مش عارفه اعمل ايه ساعدوني..