يعاملني مثل أخته وخائفة أن أعترف له بحبي فأخسره

مشكلتى ان انا بحب صديق عمرى انا وهو صحاب من ١٧ سنه انا عندى اصحاب بنات كتير ومع ذلك كان هو صديقى المفضل والمقرب هو انسان محترم ومؤدب وخلوق وشهم وكل الصفات الجميله فيه وبالاضافه انه وسيم ومن اسره محترمه وكريمه انا تقريبا معظم خروجاتى بتبقى معاه حتى لو راحه اجيب هدوم هو باستمرار بيجى عندنا البيت وانا بردة بتعامل وانا فى بيتهم على ان البيت بيتى حتى فى مرة كنا المفروض رايحين رحله سوا وانا لبست وروحتلوا عشان كان موبايلوا غير متاح ولما رحتلواولقيتوا لسه صاحى من النوم دخلت عملتلوا مشروب يشربوا على ما يلبس احنا مش بس صحاب احنا علاقتنا مفيش مسمى يقدر يوصفها انا كنت بغير اوى لو واحده كلمتوا او هزرت معاه كنت شايفه ان غيرتى عادية يعنى غيرت صحاب على بعض وكدا لغاية ما هو سابنى وبعد عنى دخل كليه الحربيه وبقى ضابط فى الجيش وانا دكتورة اطفال عرفت ان حبى وغيرتى عليه مش بس غيرت صحاب او حب اخوات لا داه حب بجد هو اجازته كلها بتقضيها خروجات او حد فينا بيروح يقعد عند التانى ومامته ومامتى بقوا صحاب جدا وبردة بابا وباباه صحاب انا من كام يوم بعتلوا رساله على صراحه وسالته انت بتحب مين راح نشر الرساله وعملى منشن وقالى ردى عليها انتى وفضلنا نهزر ونضحك وبرظة كان فيه شخص بعتله رساله ان هو بيحبنى وان هو عارف انه قريب منى وبيسالوا لو كنت على علاقه بحد نشر الرساله وقال هى مش بتكلم حد ولا هتكلم عشان هى بتاعتى لوحدى وقالى ولا انتى عندك رأى تانى.انا بعشقه ومش هقدر اكون غير معاه انا خايفه اعترف بحبى يطلع هو مش بيحبنى ويطلع معتبرنى صحبته واخته وخايفه لاخسره خالص لو اتهورت وقلتلوا انا راضيه حتى لو هو مش بيحبنى وهيتجوز غيرى بس المهم افضل قريبه منه لو ختى كاخوات