بعد أن اعترفت لأمي بحبي له هذا ما حصل...!

انا تعرفت على شاب محترم وخلوق وحبينا بعض وهوا اتقدملي واهلي ماكانوش يعرفوا أن مابينا معرفه ولكن للاسف رفضوه حتى من غير مايقابلوه ولا يسالوا عليه وبعد فتره رجع تقدملي تاني بس المره دي صارحت امي بالحقيقه وإني اعرفة وان علاقتنا نحترمها وماحصلش بينا اي حاجه ولا عمرو حتى لمس ايدي لكن امي تعصبت وشتمتني وقاطعتني وحكت الي حصل لبابا وماردوش على الراجل ولا عملوا ليه اعتبار ولا حتى فكرو يقابلوا وبرغم دا ماستسلمش تمسك بيا ووصل لاخويا واخويا سأل عنه وعرف انه شاب محترم وناس بتشكر بيه وفي أخلاقه وانو يقدر يفتح بيت ويتحمل مسئولية بعد كدا اخويا كلم امي وابويا وحاول يقنعهم يقابلوه لكن تعصبوا جامد وشتموا اخويا وقاطعوه واخويا اعتذر من راجل انو مافيش نصيب .. وبعد كدا الراجل خلا أبوه وعمه وكبار العيله يتكلموا ابوي لكن ابويا قلل من احترامهم والراجل اتحرج جدا مع عيلته بسببي .. للعلم انا عمر ٣٢ يعني مش صغيره