متأكدة من رفض أهلي لأن حبيبي من عائلة فنية، ماذا أفعل؟

الشخص الى بحبه اخته تبقى فنانه مشهورة جدا ومعروفه مش بس فى مصر لا فى العالم العربى كله وليها رصيد فنى كبير انا بحبه من اربع سنين وهو عايز يتقدم لاهلى على الرغم من كونه لسه طالب وكنت كل مرة بتحجج انه ميجيش لاهلى عشان لسه طالب بس هو خلاص دى اخر سنه ليه فى الجامعه والايام دى بيجهزوا لحفله التخرج وهيبقى مهندس بترول انا طالبه فى السن كنت عايشه لوحدى من اول ما دخلت الجامعه مكنتش بفكر فى اى حاجة غير دراستى بس اول ما حبيته مكنتش شايفه عقبات ادام حبنا بس اهلى على الرغم من اننا اسره متحضرة بس هما شايفين ان الوسط الفنى وحش ومستحيل يوافقوا اننا نتجوز حاولت كذا مرة افتح موضوع الوسط مع امى كان ردها بياكدلى اتها مستحيل توافق انا متعلقه بيه جدا وهو بردة انا بقالى شهر ونص مشفتهوش انا متعمده اعمل كدا وهو بيموت فى غيابى انا روحت حكيت لاختى وجوزها على كل حاجة كنت تعبانه ومحتاجة احكى لقيت رددهم كلها ضد العلاقه على الرغم من انهم متجوزين عن حبه وبيقدروا الحب جدا وبيحترموه بس جوز اختى قالى حاجة واحده حياتهم غير حياتنا هتعانى منها وهتندمى انا مش عارفه اعمل اى عقلى وقلبى مش بيفكروا الا بيه هو اتصل بكل صحابى وكان عايز يعرف مكان بيت اهلى عشان يجيلى بس صحابى قالوا انهن مش هارفين انا خلاص بدمر ساعدونى من فضلكوا