حبيبي يهددني بالفضيحة ويريد تدمير علاقتي بخطيبي

وانا فى ثانوى كنت حبيت واحد واتكلمنا مكنش فيه رقابه اهليه لان بابا وماما كانوا فى مشاكل كبيرة الفترة دى وانفصلوا بعد ما كلمته وندمت واستوعبت ان الى بعملوا داه كارثه قررت اسيبه بس هو كان رافض وقالى هفضحك كنت خفت فى الاول بس لقيت نفسى ان لو كملت هبقى بزود المشكله وسبته ومهمنيش حاجة وبعدت وكملت حياتى وبابا وماما رجعوا بعد انفصالهم بفترة كبيرة انا حاليا مخطوبه وكتبت الكتاب وفرحى فى العيد مخطوبه لانسان محترم وبيحبنى وبيحترمنى وبيخاف عليا وعلى زعلى هو يبقى ابن صاحب الشركه الى بشتغل فيها واهله ناس محترمين جدا وبيحبونى وانا حبيته لغاية ما ظهر الشخص القديم تانى هو يقرب لخطيبى بس من بعيد اوى اوى اوى وناوى يدمرنى شفته صدفه فى مناسبه تبع اهل خطيبى وكانت صدمه لما شفته بعتلى هددنى انه هيفضحنى وانى لازم اسيب خطيبى بس انا مش عايزة ابعد عن خطيبى عشان فعلا بقيت بحبه جدا ومش هستغنى عنه انا عرفت الحب على ايديه وعرفت معنى انك تبقى متجوزة راجل بجد وتبقى انتى لوحدك الى ماليه عينه مع ات فيه بنات كتير حوليه بس مش شايف حد غيرك وخطيبى اول ما اتخطبنا قالى انا مش هحاسبك على اى حاجة فى حياتك قبل ما اعرفك وانتى بردة مش هتحاسبينى على حياتى قبلك انا خايفه احكى لبابا ليتعب وبابا مريض وخايفه اقول لاخويا ليتهور ويعمل نصيبه ويضيع نفسه وهو مهندس خايفه جدا جدا الشخص داه بقى بيقعد عند بيتى بالساعات وتحت عمارتى او فى العمارة الى قصدنا بقيت بخاف انزل ليعمل فيا حاجة