حبي له أهان كرامتي وخسرني الكثير من الأمور في حياتي

انا بنت عمري 24 سنه حبيت شخص من 6 سنين ولحد الان لسا بحبه 6 سنين ما في يوم نسيته ما في يوم ما بكيت فيه مشانه انا تعبت كثير بسبب حبي اله وهو بالمقابل ما بحبني وبحاول يجبر بخاطري وبس حاولت كثير انساه بكل الطرق بس ما قدرت انا ملتزمه بصلاتي وبقراءة القران ودائما بدعي انه ربنا يبعده عني او انساه بس حاسه انه بصير العكس والله حابه كثير اني انساه او ابطل ابعثه بس ما بقدر بحبه كثير انهانت كرامتي كثير .. وخسرت كثير اشياء بسبب هالحب كل مره بحكيله بدي ابعد ما برضى وبصير يحكيلي حكي بخليني احس بتأنيب الضمير اني هيك حكيتله انا قلبي طيب كثير وهبله وبنضحك عليي بكلمتين ونفسي اغير هالاشي ونفسي انساه واعيش حياتي والله دموعي نشفو عقد ما ببكي كل يوم ونفسيتي تعبت كثير وكل ما يتقدم حدا لخطبتي ما بوافق لاني مستحيل احط حدا مكانه واحب غيره