حبيبي تركني عند أول مطب فهل أوافق على العريس الجديد

السلام عليكم انا بنت حبيت شب من جامعتي هو كتير محترم و اجى طلب ايدي من اهلي بس صار في سوء تفاهم بينهم و ما اكتمل النصيب و من بعدها الشب اختلف و حاولت انا و صحبيتي نقنعه انه يرجع و انا اتفاهمت مع اهلى و اقتنعوا و كانوا بدهم يعتذروا منه بس هو رفض الفكرة تماما انهم يعتذروا منه و يبلشوا صفحة جديده بس مش هالسوء التفاهم الكبير يلي يخليه يرفض كل هالرفض و بعد فترة تقريبا ٣ اشهر اجاني عريس محترم عنده بيت و سيارة و فهمان و شتريني بده اياني انا حكيت لشب انه اجاني عريس و هو بكل دم بارد حكالي اذا بدك اياه خديه و من طريقة حكيه هو ما بده اياني وانا كتير نفسيتي تعبانه و مدمرة ما بعرف شو اعمل هل أوافق على العريس ولا لا