هل اخبر اخي بحقيقة صديقتي التي يحبها أم لا؟

انا فى موقف صعب ومحتاجة حل وياريت محدش يغلط فى الانسانه اللى هتكلم عنها انا بنت ليا اخ ولد وحيد كان حصل خلافات بين بابا وماما بعد ما خلصت ٣ اعدادى وانفصلوا عن بعض واتنقلت لبيت جدتى ام ماما انفصلوا بعد زواج دام عشربن سنه وخلصت اولى ثاتوى فى مدرسة جديدة وفى محافظة تانيه اتنقلت انا واخويا مع امى وبعد انفصال اقل من سنه الامور رجعت طبيعه تانى ورجعوا لبعض ورجعت تاتى لحياتى العادية ولما رجعت مدرستى الثانوية كان فيه بنت جديدة موجودة كانت مخمرة ومحترمه كانت متدينه جدا واتعرفت عليها شوية شوية بقينا صحاب كانت ناضجة جدا بعقلها مش زينا مراهقين فى تصرفتنا واتحولنا لاكتر من اخوات كانت بترفض تبجى عندى الببت فى وجود اخويا او لو جات لازم نقعد فى اوضه لوحدينا و بعت عن كل صحابى وقربت منها هى وبس ودروسنا كامله كنا سوا فبها امى حبتها اوى وحتى والدى اعجب بيها واخويا كمان كان ببشكر فيها فضلنا صحاب حتى بعد ما دخلنا الجامعه هى دخلت طب بشرى وانا دخلت طب اسنان مكنش فيه حاجة بنخبيها عن بعض كان اوقات لما نيجى نخرج سوا كان اهلى يخافوا عليا عشان بنات لوحدينا فكان اخويا بيخرج معانا كان بيوصلنا بالعربيه واحنا نمشى قدامة وهو يفضل ماشى ورانا شوفت فى عيون صاحبتى كذا مرة اعجاب ناحية اخويا كانت ممكن تبص ليه اقل من لحظة بس لاحظت وحسيت ان اخويا معجب بيها فضلت متابعه نظراتهم لبعض فترة كبيره ومتالعه سؤال اخويا عنها باستمرار وهو عامل نغسه مش مهتم وبردة كانت تفضل ساكه وانا بتكلم عنه كنت واثقه انهم معجبين ببعض لغاية ما اخويا جيه فى مرة صحانى الفجر وقالى قومى صحيت وانا مدايقه قالى هجبهالك على بلاطه صحبتك مرتبطه قلتلته مصحينى عشان كدا قالى انجزى انا بقالى كتير بلمحلك عشان تفهمى اخوكى بس البعيده مبتفهمش قلتله لا مش مرتبطه ومره تانيه متصحنيش عشان حاجات تافهة كدا يعنى انت معجب بيها وهى معجبه بيك انا ذنبى ايه اصحى الفجر حضتى وفضل يضحك وقالى انا بعد كدا هاخد منك اى موضوع وانتى نايمه عشان يتقولى حاجة لوكنتى فى وعيك مستحيل كنتى تقوليها ونيمنى فى حضنه تاتى يوم اتكلم جد فى الموضوع وراح فتح اهلى فى الموضوع وكانوا مراحبين وشايفنها انسانه كويسه وانا كنت سعيده اوى لغاية ما كلمتها فى الموضع وقلتلها اخويا عايز يتقدملك وانا عارفه انك موافقه واهلك مش هيلاقوا ناس احسن مننا هتناسبوا معالى المستشارة شخصيا وابنه ظابط قد الدنيا وكفاية علينا النسب وانتوا عليكوا الباقى وبهزر بالكلام لقيتها اتخنقت وزى ما تكون عايزة تعيط وقالتلى انا محناجة احكيلك حاجة بس يبقى سر بنا وحكت ان هى وهى فى اولى ثانوى لما نزلت مصر هى كانت عايشه فى دوله عربيه ونزلت مصر وهى فى راحه اولى ثانوى مكنتش محجبة اصلا ولبسها كله كان فيه انحراف زى الغرب بالضبط لا يختلف عنهم شئ كانت بتكلم الولاد على اساس صحابها وبتخرح معاهم يعنى شله فيها بنات وولاد امها كانت عارفه كل حاحة وكانت شايفه انها صغيرة وان مفيش مشكله باللى بتعمله لغاية ما اتعرفت على شاب عن طريق النت ووهمها بحبه كان من محافظة تانيه وفى يوم طلب منها يتقابلوا وراحت قابلته فى المكان اللى حددة واعتدى عليها وفقدت عذريتها كنت مصدومه باللى بتحكية وقالتلى انا كشفت اكتر من مره عند دكاترة وكل مره يأكدوا ان مش بنت معرفتش ارد عليها بحاجة غير ان حضنتها وفضلت اعيط زيها هى كانت كدا بسبب امها اهملتها وكانت سيبلها الحريه فى كل حاجة وكانت بتخليها تعمل اى حاجة حتى كانو بتكدب مامتها على باباها وتخلى بنتها تعمل اللى عايزاه من غير علمه انا دلوقتى فى موقف صعب مش عارفه اعمل ايه مش عارفه احكى لاخويا ايه ولا اكتم سرها ولا اعمل ايه بيجى فى بالى ساعات ان حب اخويا ليها هيسامحها بس برجع تانى للواقع احنا مش فى مسلسل تركى احنا فى حاجة حقيقه واحنا مجتمع شرقى صعب انه يتقبل حاجة زى دى هى كانت عيله لما حصل كدا يعنى مش هنرمى عليها الغلط كامل كان عمرها ١٥ سنه