بعد حبي الكبير له تذكر بأني بنت خالته وبمثابة أختً له

مريت بتجربة حب أروع من القصص والرويات وكان ابن خالتي وأنا عندي 28 سنة وعمري ما سمحت لنفسي إن ابعزق مشاعري كنت محافظه عليها للشخص المناسب لأن الحب بالنسبة لي زواج ولما حسيت ان ابن خالتي بيحبني عطيت لنفسي فرصة وقربني منه واحدة واحده لحد اما عودني عليه وعيشني الحب بكل تفاصيله عمره ما قالي كلام كان بيكلمني بالاحساس سيطر على كل مشاعري وكنت اما بحس بخوف كان بيطمني كان بيحس بوجعي بفرحي بكل حاجة قبل اما احكيله كنت بحسه كتير عليا وبقول أكيد ربنا بيحبني فيه كل الصفات اللي بتمناها كنت بيغير عليا وكان بيهتم بأدق تفاصيلي كان بيحسسني بكل حاجة حلوة بس هو كان مسافر وقالي انه هييجي البيت عندنا وكده وفجأة قبل ما ينزل وطلب مني اننا نتكلم فون وانا كنت خايفة حاول يكلمني من رقم غريب وانا كنت خايفة كنت ببعد عنه يقربني منه اكتر بس رفض انه يعرفني انه هو كان بيغير في صوته وكان بيغير في كل المعلومات الخاصة بيه كان بيقولي بخجل جدا وانا بكلمك ورفض اني يعترفلي انه ليه بيكلمني كده غير لما يخطبني رسمي فضلت استدرجه في الكلام لحد اما اعترفلي انه هو وسجلتله المكالمة وبعتهاله انكر انه هو وقالي اني متراقبة فيس وواتس وفون ومتراقبة في البيت برضو وماحاولش اني بيطيب خاطري ماحاولش يقولي اعملي بلاغ وكان متوتر جدا ومتفاجيء جدا لانه مااتوقعش اني ابعتله المكالمة المتسجلة دي المهم ان ردود افعاله اكدتلي انه هو فعلا بس ليه عمل كده انا مااقدرتش افهم وانا سمحت لنفسي اني اكلمه لاني ظنيت انه مريض نفسي وان ماوقفتش جنبه في مرضه هقف جنبه امتى كنت دايما بدعيله وببكي من حزني عليه وفجأة وبدون مقدمات قالي أنا حاسس انك اتعلقتي بيا جامد واتعودتي عليا وانا بعتبرك زي اختي وصديقتي وان الجواز عن حب بنسبة 99% بيفشل واننا مش هينفع نكمل وهتقدري تسامحي الشخص اللي بوظلك حياتك أنا أتصدمت صدمة عمري إزاي يحاول يقربني منه ويحاول يكسب ثقتي ولما اتأكد اني حبيته يسيبني كده ماقدرتش اقوله اي حاجة ماقدرتش اتكلم ده بالنسبة لي أخ قبل ما يكون ابن خالة قبل ما يكون صديق قبل ما يكون حبيب ماقدرتش اقوله خليك معايا ما ينفعش تسيبني ما قدرتش كل اللي حسيته منه انه فكرة اننا نتجوز بالنسبة حاجة مستحيلة ليه مش عارفة راح خطب وفسخ وخطب تاني واتجوز في اقل من 5 شهور وانا ولا كأنه يعرفني كأنه كان بيتسلى بيا على شخص طيب لما كان ناوي يبعد ليه علقني بيه ؟ ليه كان بيحاول معايا؟ ليه أنا ده انا اخته قبل مااكون بنت خالته؟ معقول الدنيا مابقتش بخير كده؟ مش قادرة استوعب أي حاجة وحاسة اني في فيلم هندي دماغي هتتشل من كتر التفكير كلمته كذا مرة قبل فرحه قولتله كلمني بصراحة قولي ليه عملت كده كان بيتهرب مني وقالي انا مااتكلمتش معاك بصراحة ماحاولش يطيب خاطري ماحاولش يقف جنبي ماحاولش حتى يعتبرني اخته زي ما هو بيقول انا كنت هرضى باني اكون اخت ليه وعندي يكون اخ افضل من اي حاجة تانية أٌسم بالله لاني اتعودت عليه كان قريب مني اوي كنت بحبه وكنت بتمناله الخير لو لو ماكنش هيطلع نصيبي انا شخصية عاقلة جدا كنت هتقبل انه اخ لو كان اتكلم معايا بصراحة لكن يقطع علاقته بيا كده فجأة كانه عارفني من الشارع كانت بالنسبة لي صدمة ماقدرتش احضر فرحه مش علشان اتجوز غير لأه بس علشان حسيت انه مااحتررمنيش امه دي كانت بالنسبة لي ام تانية مااحترمش صلة القرابة اللي بينا انا دلوقتي ضايعة فعلا مش قادرة انساه لاني مش بعرف انسى حد ولانه غصب عني هشوفه باستمرار بحكم القرابة اللي بينا ومش قادرة اتحمل كلام امي عنه شايفاه ملاك نفسي احكيلها كل حاجة ومش قادرة نفسي اقولها هو سبب تعبي النفسي ومش قادرة عمال افكر ليه عمل كده فيا ليه انا افتكرت سبب قديم اخوه من 9 سنين كان بيحبني وعايز يتقدملي وانا رفضت لاني وقتها كنت صغيرة وهو كان عنده33 سنة واخوه ده اتجوز ومعاه بنتين لكن هو في مشاكل في حياته واحتمال يطلق ولو كان هو السبب ده انه ماقدرش يتقدم لحبيبة اخوه القديمة ليه سمح لنفسه انه يقربني منه من الاول ليه عمل فيا كده ارجوكم ساعدوني انا بضيع ومش عارفة اتصرف ازاي ولا عارفة احكي لمين ولا عارفة هتعامل معاه ازاي لما ظروف تجمعنا او مناسبة ؟