أوقعني بحبه ثم أخبر صديقتي بأنني من أحببته

السلام عليككم ورحمة الله انا قصتي انو عندي صاحبه اكثر من اخت اقسم بالله كانت تحب شب من قبل ما اعرفها لما عرفتها كانت تاريكتو ولساتها بتحبو عرفتني عليه وحكتلي اوقفي معو لانو ما معو ناس كنت معو اخت وصديقه مش اكثر عرفت عنو كثير شغلات سيئة اولها انو بخونها وانو بكذب بحبو الها ومش صادق معها حاولت معو على انو يتغير ويصير انسان منيح بعد سنه تعرف على وحده وزنا فيها والبنت تزوجت والله ستر عليها بيوم اتصل علي وكان يبكي وبدو ينتحر انا وقفت معو وقفة اخت اقسم بالله وتغيرت فيه شغلات كثير على ايدي ع مدار سنتين صاحبتي الي كانت تحبو حكتلي انو هي كانت تراهق وحاليا مستواها التعليمي ما بسمحلها تنظر لهيك ناس اعترفتلي انو هي تعشق شب من جامعتها بس ومن كلامها و نظراتها انا تأكدت انو هي تحبو قبل ما تحكيلي اي شي انا كنت فعلا واقعه بحب الشب الاول الي وقفت معو وكنت صديقتو حبيتو كثير كثير كثير بس عرفت انو هي بتحب حجا ثاني انا تطمن قلبي انو هيك انا ما خنتها وحبيتو من وراها وللعلم ما كان في شي بيني وبين الشب غير الصداقه حتى لبعد ما اعترفتلي بحبها لشب ثاني بعد ما حكتلي بسنه ونص اعترفلي الشب انو هو بحبني وبدو نكمل مع بعض القصه بينه وبين صاحبتي كانت منتهيه من اربع سنين ولا في بينهم اي شي قبل شهر من اليوم صارت مشكلة بيني وبين الشب صار يهدد فيا انو يحكي لصاحبتي انو بينا علاقة حب انا من الاساس كان ضميري مأنبني وحاسه انو بخونها رغم انو الي بينهم انتهى عالاخر حكيتلو اعمل يلي بدك اياه وفعلا راح حكالها هي عصبت واتهمتني انو خنتها مع انو الله شاهد انو ما قبلت فيه غير لما تأكدت انو هي ما بتحبو ابدا ابدا حكتلي انا ما بضل معك حكيتلها الي بينكم منتهي من زمان وانتي ما بدك اياه حكت اكيد ما بدي اياه ولا بدي اياكي انا فعليا ندمانه ع صحبتنا الي راحت مش عليه هو رغم انو لسا مشاعر الحب بقلبي الو موجودة شو الصح وشو الغلط انا تاهية فعلا شو لازم اعمل واسفه ع الاطالة