عانيت كثيراً في حياتي فهل أنتظر حب حياتي أم أتزوج بنت من بلدي؟

ارجو الصبر وسماع قصتي للنهايه اتعرفت علي بنت علي السوشيال ميديا من دوله عربيه وحبينا بعض جدا لكن والدها رفض قولت وقتها نصيب ومن كتر الكلام اللي حواليا اني برفض الارتباط كتير تعبت وقبلت ارتبط ببنت مصريه جبتهالي اختي وانا مش مقتنع وقولت هحبها كنت وقتها مقيم في دوله خليجيه نزلت مصر وكتبت كتابي عليها وبعد وقت لاقيتها طماعه جدا وكل اللي همها هي ووالدتها اني اصرف فلوس وابعت هدايا المهم انفصلت بعد كتبت الكتاب واديتها كل حقوقها مؤخر والدهب اديتهولها كله كان بيساوي في وقته15الف جنيه ومؤخر 15الف جنيه وقولت ربنا يعوض عليا وعشان اراضي ربنا وضميري ومكنش ظلمتها مع ان حقها النصف من كل شيء لكن حبيت اكون مرتاح نفسيا كنوع من التعويض بعدفتره مش كبيره زميلي عرفني علي راجل عرفت انه عندو بنت وهي غير مصريه ايضا فرحت شوفتها واتكلمنا وكانت مطلقه برغم اني مكنتش بوافق علي البنت المخطوبه حتي زي كتير من الشباب عاوز بنت من غير ارتباطات قبل كده قبلت وقولت يمكن هي مطلقه واتظلمت زيي وقدرت ده جدا .. اتزوجنا وبعد الزواج باسبوعين اعترفت لي بشيء صدمني وكسر فرحتي ان جوزها مش هو اللي دخل عليها واللي عمل كده واحد احضرو زوجها لها يوم الدخله وربطوها والشخص ده عمل فيها كده والموضوع ده محصلش الا يوم الدخله بس لان زوجها كان عاجز جنسيا ومتزوج قبلها وطلق قبل كده لانه اتقال عنه انه عاجز فاتزوج الانسان اللي اتزوجتها عشان يثبت كانها اشاعات.. بس طبعا لما سمعت كده حزنت جدا وحسيت بكسرة نفس وقولت ده نصيبي مع اني عمري مازنيت بس قولت مذنبهاش حاجه بدأ يغمي عليها كتير وطبعا عارف انها حاجه صعبه كنت بحتويها وبقف جمنبها وبطمنها اني مش هاسيبها لانها كانت خايفه بعد ماقالتلي كنت اقوم بالليل ملقيهاش وادور عليها الاقي مغمي عليها في اي اوضه فاضيه او بتبكي ومسكت سكينه مره واخدتها منها ده كله في شهر العسل اللي هو المفروض احلي ايام تعبت اعصابي جدا وقولت قدري بعدكده لاقيت منها عدم التقدير والصوت العالي والانانيه وطولة اللسان والغلط لدرجة انها تركت البيت اكتر من مره برغم انها ملهاش حد بس كانت تخرج بتعاند ومره خرجت بسبب خناقه بالليل وخناقه بسبب خلاف ممكن تمرعادي وكل ما نتخانق تلم هدومها في شنطتها كنت تحاول امتصها واقف جمنبها غلطت فيا صبرت عليها 7شهور هي ميعتبرش مده بس مكنش في حد من اهلها بيترد عليه كانت بتتعامل بعنف وعصبيه قويه طلبت الطلاق وصممت عليه وراحت لاهلها بكل هدوء ولما راحت كنا متفقين اطلقها غيابي . دلوقت انا والبنت اللي كنت بحبها بنكلم بعض وبنحب بعض وهي مرتبطتش وانا سني تجاوز ال35سنه وهي مرت علي ال30 ومارضيت ترتبط بغيري هل اسعي للسفر لدولتها واتزوجها ولا ايه لكن والدها ماعنده علم باننا رجعنا لبعض ومنعرفش هايوافق ولا لا ارجو النصيحه وخصوصا اني تعبت جدا في حياتي هل انتظر واجازف ولا اشوف حياتي واتزوج واحده من بلدي ارجو الرد بحكمه . شكرا