خطيبي يفضل السهر مع اصدقائه على أن يراني أو يتكلم معي، فما الحل؟

السلام عليكم ورحمه الله وبركاته ' عندي مشكله والمشكله الاكبر ان زواجي بعد اسبوع ان شاء الله ولكن بيني وبين زوجي حساسيه والسبب اني من سنه وانا اكلمه' لاحظت انه مايكلمني بالايام ويكثر جلوسه بستراحه الشباب وينبسط مع اصحابه ' انا احب اشوفه مبسوط لكن كثره جلوسه حسسني اني جدار يعني كل يوم مع اصحابه وانا كل بعد ثلاث ايام او اربع يكلمني ' وخفت ان هالموضوع يتطور لبعد الزواج ' اتصل علي زوجي قال شفيك كأن بقلبك حكي ' قلت له انا مو عاجبني وضعك خصوصا كثره جلساتك بالاستراحه مع اصحابك انا ماني جالسه اتأمر عليك لكن حتى انا لي حق انك تتكلم معي ' يقول خير يا طير واذا ماكلمتك 'يقول انتي تحسديني اذا شفتيني مبسوطه قلت لا والله ما احسدك احب اشوفك مبسوط لكن ابيك ايضا تكون مبسوط معي وش يمنع تتصل علي وتتكلم معي مافيها شي 'وقلت له يرضيك اني كل يوم عند صديقاتي واطنشك بالايام يقول لا مايرضيني قلت اجل انا نفس الوضع مايرضيني يقول انا رجال وانتي بنت مالك حق تحاسبيني بس انا اللي احاسبك ' قلت انا ما احاسبك وين تروح ولا تجي ولا قد تدخلت لكني اتكلم عن كثر جلساتك مع اصحابك واهمالك 'وصار يقارني بزوجه صديقه يقول صديقي يحكي عن زوجته انها صابره عليه وهي حامل تكرهه ولا قد تكلمت عليه انها تكرهه في فتره الحمل وصابره ويقول صديقي ان زوجتي ماقد زعلت على جلساتي بالاستراحات وعادي ليه انتي تحبين المشاكل ' قلت له رجاء لا تقارني بأي وحده ' ترا اي بنت على وجه الارض ماتحب ان اي احد يقارنها بوحده واذا زوجته عندها الوضع عادي يتركها طول الوقت لحالها انا ما ارضى بهذا الشي لنفسي ' حبني مثل ما انا ومستحيل اتغير عشان احد وانا من النوع اذا ما عجبني شي احب اصارحك فيه واتكلم فيه معاك ما احب اكتم شي بقلبي قلت اذا انت تقارني بأحد شرايك انا ايضا اقارنك اشوف اللي حولي اللي زوجها يقولها كلام حلو وانت تجوعني ماتقولي كلام حلو وكنت ساكته ولا عاتبتك على جفافك معي ليه ماتصير ايضا زي ازواج صديقاتي ولا كل شي حلال عليكم والمراه حرام عليها ' وقلت له اذا شفتني ناشزه فهذا بسببك انت تقارني بفلانه وجفافك العاطفي تجاهي وماتبيني اكون ناشز ' شلون تبي مني الاهتمام والترحيب مني وانا احتري منك الكلام الحلو اسقيني عاطفه عشان اعطيك ، يقول هذا مو نشوز قلت اجل وش تسميه ' الشي اللي قلته لك ماغلطت فيه ابدا اطالب بحقي ' ثم قلت له عادي عندك تطلع من العصر وماترجع الا باليل ' يقول وش فيها ' قلت ماهي حلوه تخليني بين اربع جدران لحالي وانت برا مع اصحابك حتى انا لي حق وانا مو كل يوم بجلس انتظرك بعد الزواج اخر اليل اسهر ممكن النوم يغلب علي ومقدر اسهر معاك 'يقول لا تحكمين علي بعد الزواج النظام يتغير مارح اسهر للفجر عندهم ' قلت انا ما حكمت لكن لازم انبهك ان هالشي مارح يصير بعد الزواج لان وقتها بيصير مسؤوليات ' اعتذر مني وانا ايضا اعتذرت ' لكن مدري ليه كلامه تحز بخاطري خصوصا كلمته لي يوم قال خير ياطير '