اهلي رفضوا حب حياتي بسبب مؤهله العلمي، فما الحل؟

السلام عليكم انا مشكلتى كبيره جدا ومش عارفه احلها ازاى ياريت حد يقدر يساعدنى ! انا بحب واحد بقالى 9 سنين وهو بيحبنى جدا وانا بحبه جدا وشارينى اتقدملى اكتر من 4 مرات واترفض بسبب مؤهله العلمى ف الدراسة كان الاول متخرج من معهد ودلوقتى دخل تجارة علشان يرضى اهلى واهلى عاوزين واحد من كليات القمه هندسه او دكتور ف حاولت اقنعهم كتير جدا ان مش لازم يكون معاه هندسه او طب علشان يكون انسان ناجح ف حياته ف بيتقدملى ناس كتير وواحد متقدملى دلوقتى واهلى موافقين عليه وانا لسه بحب الشخص التانى ومش عارفه اعمل ايه وهو بيحاول يعمل كل حاجه علشان يرضيهم ودخل جامعه ولساله شهرين ويخلص واهلى مش مقتنعين بيه المشكلة دلوقتى مش هقدر انساه ولا قادره اعارض اهلى او ازعلهم منى وبحب الشخص ده جدا ومتمسكه بيه بس اهلى موافقين ع الشخص الا متقدملى الفترة دى اعمل ايه ؟