ما بعد الصبر إلا ألفرج إليكم قصتي والمفاجئة التي حدثت..

انا مرتبطة بواحد بقالى ٦ سنين ارتباط شبه رسمى مكنش حد من اهلى يعرف هما بس يعرفوا اننا اصدقاء هو كان زميلى فى الدراسة ثانوى واعداى كنا زمايل وفى فصل واحد قبل ما اتخرج من طب بسنتين ونص تقريبا دخل كلمنى كان عايز يتواصل مع والدى عشان والده تعبان انا من عائلة كلها دكاترة ماعدا اختى دخلت سياسة واقصتاد وابن عمى دخل هندسة وهنا كانت بداية كلامنا اكيد ساعدته فى موضوع والده وفصلنا على تواصل كنا بنكلم بعض كل يوم وهنا حبينا بعض هو بيحبنى فعلا بس عمرة ما فتح معايا موضوع انه يتقدم لاهلى انا عذراه عشان كان حصل ظروف وحشه جدا ليه خلال فترة ارتباطنا اولا تعب والده وبعدين وفاة جدته وبعدين حادثة عمة ووفاة بنت عمه الصغيره وبعدين طلاق اخته حوالى سنه بس رجعت تانى لجوزها الحمد لله دلوقتى الظروف هادية جدا وهو من اسبوعين كلمنى قالى تعالى انا فى النادى عايز اشوفك استأذنت من اهلى وعرفتهم ان انا راحه ليه ولما روحت ليه ورجعت البيت لقيت ماما بتقولى ان اهل حبيبى كانوا موجودين بيطلبوا ايدى وهيجوا تانى كلهم لما بابا يرجع مكنتش مصدقة ورجعت كلمته وانا فرحانه اوى وهو قالى انتى صبرتى معايا كتير وكنتى مقدرة الظروف اللي مريت بيها ولا مرة ضغطى عليا ان اتقدملك ومعرفتش اى حد من صحابى لغاية ما بابا يرجع من مؤتمر بره مصر والموضوع يبقى رسمى وكنت خارجة انا وواحده صحبتى صحاب من زمان اوى وشوفته صدفة وهو كان مع صحابة انا اول ما شوفته تلقائى فضلت اضحك وابص عليها وهو بردة عمال يبصلى لقيت صحبتى اول ما شافته قالتلى يخربيت عقله هو جيه داه مجنون اشتغربت اوى بقولها بتقولى عليه ليه كدا قالتلى انا عايزة احكيلك حاجة بس اوعدينى انه يبقى سر انت ايام ما انا وانتى كنا زعلانين من بعض انا ارتبط بيه الكلام داه من عشر سنين تقريبا وفضلنا مرتبطين سنتين وعلى خلاف بسيط سابنى بس كنا بنتكلم لسه زى اصحاب وبإستمرار على تواصل حتى لسه هو متصل عليا من نص ساعه وورتنى المكالمه وطلع فعلا مكلمها وقالتلى انا قولتله ان خارجة هنا واكيد هو جاى عشان يشوفنى انا رجعت البيت وانا مذهولة من كمية الكلام اللي حكتهولى قفلت موبايلى وكل مواقع التواصل الاجتماعى عشان مش قادرة اتواصل معاه واكلمه هو ازاى يعمل فيا كدا ازاى كان بيكلم صاحبتى وانا زى المغفلة هو بيكلم مامتى بقالة كام يوم عشان يعرف يكلمنى وانا بتهرب انا مش حكيت لحد من اهلى بالكلام داه وانا لو فضلت كاتمه فى قلبى همووت