منذ 10 سنوات وأنا أصرف على حبيبي والآن يطالب بالمزيد من أجل عائلته

تكفون احد يلقالي حل . تعرفت على حبيبي من سنه ٢٠٠٩ وللحيني معاه من اول علاقتنا اهو من فئه غير محددي الجنسيه وانا سنه ٢٠٠٩ ماكنت موظفه وكانت امورنا طبيعيه كنا عايشين حياتنا لا طالب ولا مطلوب ، وبنص سنه ٢٠١٠ توظفت ، بالاول كنت مراعيته وقلت ابي أساعده بدافع الاجر واهو ماقصر معاي طبع فيني اسلوب شلون اقنع اهلي واملك لي بغرفه بروحي بالبيت بكوني البنت الكبيره اشياء ثانيه بس اتوقع فضلي عليه اكثر من فضله علي ساعدته فباشياء واجد لدرجه حتى ربعه لاحظوا التغيير عليه ، ومع سنين تزوج وجا عليه ولدين ، بلشت قمت احس بضغط منه وخصوصا لمن يطلب مني مبالغ بين فتره وفتره خلال شهر واحد بحجه عياله ماعندهم حليب ولا حفاظ وبحجه قسط سيارته وبحجه مصروفه الشهري حق زقاير وحق قطيه اسطبل او مخيم مع ربعه ، صارحته كذا مره اقوله خلاص انا ماعاد اقدر على هذا كله ، هني وقتها يتضايق ويعطيني كلمتين يكسر خاطري فيهم وارد كانك يازيد ماغزيت قلت له زين شوف لك وظيفه يقولي انه مهتم ويدور ، علاقتي معه دامت قريب ١٠ سنين ومن تزوج زاد صرفه وكل هذا على ظهري وللعلم انا بنفسي انسى اي يوم يصادف معاشي ،اهو يعرف ويذكرني فيه ويقولي يالله عشان اسكت الوكاله ويرفعون عني ضبط واحضار ، ادري الغلط مني وحاولت افهمه اني مو دايمه له يقولي ادري ويقول حتى لو جا نصيبج ماراح نترك بعض ، بالعربي انا تعبت منه ومن طلباته ومصاريفه اللي مكدسها علي ، وفهمته وضعي فاهم بس يستعبط وساكت ، فكرت افلم عليه واقوله اني بتزوج اكيد ولازم بيعرف متى العرس وكم المهر ومع الوقت اكيد بيقولي عطيني الف لاني محتاج ووووو ، والحين ابي فراقه شلووون ؟ قبل كانت مكالماتنا باليوم اكثر من مرتين او ٣ اما الحين بس بنهايه اليوم واحيانا صبح اذا طالع لمراجعته يدق علي وغالبا مارد عليه واذا دق مره ثانيه وسألني ليه مارديتي اتعذر بشغل دوام ، فراقه صعب بس صارحته ومافي فايده قلت بتركه اخليه يعتمد على نفسه مو كل شي على ظهري ، بالوقت نفسه قررت اتركه علشان اقدر اتفرغ لنفسي ويمكن ربي يفتحها علي بس شلون افارقه؟؟ ☹