علاقتي به تغيرت بعد أن سألته هذا السؤال

عشان خاطرى ومن غير تجريح انا بنت بشتغل مهندسة الكترونيات فى شركه كبيرة شخصيه ملهاش فى العلاقات يعنى حياتى اهلى واصحابى وشغلى وبس فيه لعب اسمها pubg كنت بلعبها من فترة كبيرة اوى من قبل ما تاخد الضجة دى واتعرفت على مهندس ايرلندى كان كلامنا كله فى اللعب وحبه حبه بقينا بنتكلم وبنلعب مع بعض طول اليوم وكانت الصدفة انه مسلم زيي بس معلوماته عن الإسلام طفيفه جدا مختصرة على الصلاه وهنا كانت الصدمه بدأت اكلمه واحببه اكتر انه يقرأ فى الدين الاسلامى و المشكله انه مبيعرفش عربى بقيت احاول افهمه وفعلا كلامى اثر كتير على حياته اقرب مثال انه مبقاش حتى يشرب اى مشروبات كحوليه نهائى هو مكنش بيشرب غير فين وفين احنا كان التواصل بنا باللغه الانجليزيه وبعدين حبيته مكنش بأيدى كان غصب عنى وهو حبنى واعترفلى بكدا صديته اكيد وهو لما فهمنى اكتر وان لازم العلاقه تبقى رسميه قالى انا هنزل مصر فى شهر ٤ وهقابل اهلك كنت هطير من الفرحه حاجة مكنتش تخطر على بالى فى يوم ان احب حد مش مصرى ولا حتى عربى والايام دى بدأت اخد رأى اهلى زى ما تقولوا كدا بمهدلهم للكارثه اللي هقولهلهم لقيت ردودهم كلهم ان الاجانب حياتهم مختلفه عن حياتنا ابسط مثال امى قالتلى اسألى اى اجنبى اذا كان يقبل اخته تصاحب ولا لا وفعلا يوميها روحت سألت الانسان داه للعلم هو عنده اخت صغيره جدا قالى بصراحه على حسب اذا كانت سعيده ليه لا انا اتصدمت من رأيه وبصراحه بقيت خايفه ممكن تنصحونى