أنا تعودت على وجوده بجانبي أما بالنسبة للحب فلا أظن ذلك

السلام عليكم للجميع رح احكي بالعاميه مشان اخد راحتي بالكلام انا بنت عمري 19 سنه ساكنه بنرويج اجيت عليها قبل سنتين كنت قبل بتركيا وكانت حياتي عدم اتعبت كتير واشتغلت كتير وتحملت كل شي بكل معنى الكلمه واهم شي كنت املك الصبر وكنت آمن انو رح تنفرج علينا. بيوم من الايام اجا خبر سفرنا على النرويج هي اللحظه الي متلي بيعرف كيف حسيتها رسمت مخطط حياتي بمخيلتي خلال كم ثانيه قبل هي اللحظه كنت مصدومه لانو مابعرف شو هو احساس الحياة بدون شغل وتعب واهانه ماكان عندي فكره ابدا انو ممكن الانسان يعيش بدون تعب ولكن اتقبلت الموضوع وكملت فرحتي بعد تعب اربع سنين انتقلت للعيش بنرويج وكنت راسمه كل شي عندي اهداف رح حققها رح اصير دكتوره ناجحه ومفيده بالمجتمع وارفع راس الكل وكنت كتير متشوقه لادخل بعالم المدرسه على الرغم انو كلو كان جديد وغريب علي اللغه الناس الجو العادات حتى اليل ولنهار اختلف معي ولكن القصه الاساسيه هلا رح تبدا بعد مرور ست اشهر من مدرستي شافني شب وحبني من النظره الاولى وضل يمشي وراي ويعرف اخباري ويسال عني لحد انو ماعاد يتحمل قرر يدخل من الباب ويطلبني وانا هاد كلو ماكنت منتبهه عليه لحد ما حكى مع اختي وقلها بدي احكيها ولو دقيقه ف اختي خبرتني فرفضت انا لانو ماكنت مفكره ب لموضوع وكنت مقرره دراستي وبس اتطورت الاحداث وجرب يحكيني المهم حكينا اول مره هو قلي انو انا بحبك وبدي ياكي مرتي ماني معجب بس الصراحه جرأتو صدمتني خبرتو انو انا راسمه كتير احلام للمستقبل وبدون كذب اذا قررنا نحب ونكمل رح اتشوش انا قلي لا تحبيني ولا تهتمي فيني بس جربي اضلي معي اسبوع حسيتو كتير سادق بس لحظه هاد مابيعني انو اناوثقت في بس عطيتو فرصه وعطيت لحالي اكتشف هاد الشعور مع الوقت مضي الاسبوع فاتحتو ب لموضوع كتير زعل لا عاد راح ع لمدرسه لا اكل لا شرب لا شغل حاله يرسى لها فقررت اني حبو عن جد لهاد الشخص لانو خلال الاسبوع حسسني انو عن جد هو زلمه وهاد اهم شي وصاحب دين بلشنا كل شي حلو نصلي مع بعض ناكل مع بعض نشرب نام نحن بنفس المدينه ونفس المنطقه ونفس المدرسه ولصف ولمقعد كانت اول سنه ورديه بعدين بلش النكد ولمشاكل انا بعرف وواثقه من حبو الي لهي اللحظه لانو انا مجربتو بالموافف ولكن هو غيور كتير نص العالم بتعاني من هاد الشي بس هو زياده لبس مكياج مافي كلام مع لرجال بالمدرسه مافي تحكي مع حدا كتير اتراجعت بالمدرسه علامتي ومشاركتي قلت وصلنا لمرحله مع النسوان مابصير احكي صرلنا هلا سنتين مع بعض سنه ورديه وسنه نكديه وخلال اخر سنه تصير مشاكل وتوصل لانو نترك بس بعدين واحد منا بيتنازل ومنرجع هلا الشي الي خلاني اكتب هي الرساله انو كنا متزاعلين وارجعنا هو كان يضحي ويلبيلي كل طلباتي وانا كنت ضحي وماكنت احكي مع حدا لا رجال ولا نسوان مشان ما اخسرو بس انا صار اذا زلمه غريب يسلم علي بس كلام مافي لمس اصير ارجف واحمر واخضر صار عندي عقده اسفه طولت كتير عليكن بالكلام بس كتير ارتحت وانا بحاجه للرد تبعكم بحاجه انو اقرأ انتو كيف عم تفكروو بس اخر شغله في مقوله بتحكي انو الي بيحب مابيكره شو ماصار انا اخر فتره صرت حس حالي انو انا ماحبيتو انا اتعودت عليه وكان الخوف يصيطر علي لما كنا بدنا نترك بس انا واعيه لانو مافي بنت ضعيفه بتقبل على حالها انو حدا يتحكم فيها ف مشان هيك انصحوني شو اعمل طرف بيقلي كملي وطرف بيقلي اذا رجعتي رح ترجعي تعيدي كل شي من البدايه كل المشاكل رح ترجع من الاول بس على فكره مو قلبي الي عم يقلي رجعي في شي تاني لانو انا لهلا ما حسيت حالي عشقت كل القصه حبيت الاهتمام الي اظهرلي ياااه عم استنه تعليقاتكم شكرا كتير