تركته بعدما علمت أن والدته وكل العائلة تكرهني قبل أن يعرفوني

هحاول احكى مشكلتى باختصار على قد ما اقدر انا دكتورة اسنان اخر سنه ليا فى الجامعه من ٤ سنين كنت عايزة اعيش فى شقه مستقله لينا قريبه من جامعتى بس والدى كان رافض ومع تصميمى بعد ما نتيجتى طلعت سيئه لان جامعتى بتاخد حوالى ساعتين بالعربيه وانا بتعب جدا من العربيات واى مواصله المهم والدى قال ان مش هقدر ومش قد المسؤليه انا جادلت مع والدى وانا فعلا شخصية يعتمد عليها و بقيت ايام ما يكون عندى جامعه ابات هناك وبنزل اجازة بس عند اهلى خدت الموضوع تحدى ان انا مش هحتاج اهلى والدى كان سايب معايا فيزا عشان مصاريف المهم حصلى مشكله كبيرة انا متعودة طول عمرى لو حصل اى حاجة اكلم والدى وهو يتصرف والدى فى منصب كبير مش معنى كدا انه مش كويس لا بالعكس بس اقصد ان مبحتجش مساعدة حد المهم واحده صاحبتى فالتلى ابن خالتى ظابط وهكلمه يساعدك وافقت وهو خدمنى وبعدين والدى عرف بالمشكله وزعق عشان ازاى معرفوش وكلم الظابط شكره المشكله ان كان دخلوا ناس البيت وسرقوا كل حاجة بالاضافه ان نسخة المفاتيح التانيه لباب الشقه اختفت والموضوع كان صعب اوى اكتر ما تتخيلوا المهم فى الاول انا والضابط كان كلامنا عادى وبسيط اوى ومع الوقت حبينا بعض حب عنيف دى كانت اول مرة احب حد واتعلق بيه بالشكل داه ومن كام فترة كنت قاعدة مع صاحبتى فى الجامعه لقيتها مكتئبة بقولها مالك قالتلى الظروف بايظة فى العيلة بقولها ليه قالتلى ابن خالتى ساب بنت خالى بعد خطوبة خمس سنين قولتلها وسابها ليه قالتلى راح قال لخالتى انه بيحب واحده ومحبش حد غيرها وعايز يتجوزها وخالتى سابت البيت وعندنا من أسبوع انا عارفه ان هى عندها خالة واحدة مامت حبيبى وخال واحد قولتلها خلاص كلمى الظابط خليه يصلح العلاقه بين مامته واخوه الصغير قالتلى انتى مجنونه ما الظابط اللي كان خاطب انا اتصدمت روحت البيت وكلمته قالى انا اتعرفت عليكى وكنت خاطب ولما حبيتك مكنتش بتسلى ولا حاجة انا حبيتك انتى اما هى كانت مجرد رغبه واصرار من امى ان لازم انا اتجوز بنت خالى عشان نفضل قريبين من عيلة امى واسباب غير مقنعه بالمرة بس انا عمرى ما حسيت بمشاعر ليها ولما قررت اسيبها كان خالى اتوفى وامى زادت عليا المسؤليه عشان هما ٣ بنات ومرات خالى وان انا بقيت راجلهم بس انا عمرى ما حسيت نفسى معاها ولا مرة وانا وانتى خلاص قررنا اننا هنرتبط ومكنتش اقدر اديها امل ان ممكن اكمل معاها مع ان كنت دايما ببينلها واقولها ان مشاعرى ليها اخوات سيبته وقررت هبعد عنه راح كلم بابا وحكى ليه كل حاجة بابا موافق عليه وكلمنى وقالى ظروفه كانت صعبة ان يسيب بنت خاله وانه يعرفك انا مش قادرة اسامحه اولا ضحك عليا ٤ سنين ثانيا انا مقدرش ادخل بيت وهما كارهنى من حماتى لعائله امه كلها حتى صحبتى لما حكتلها زعلت منى وبعدين رجعت تكلمنى تانى بس كل كلامها دلوقتى ان الظروف صعبه فى البيت بعد اللي حصل رأيكوا ومساعدتكوا من فضلكوا