حاول التقرب مني وبعدها صدمني بتصرفاته

مشكلتي واحد ما اعرف ايش يبي مني! السلام عليكم ، أنا طالبة جامعية في نهاية السنة الرابعة في الكلية قبل سنتين تعرفت على شاب بسبب مشروع دراسي بيننا وكان يحاول انه يتواصل معي ويقوي علاقته فيني مع انه يدري اني احب واحد ثاني ومرتبطة فيه أنا مالاحظت شيء بس زميلاتي لاحظوا ان هالولد مرة مو طبيعي معي وباين اعجابه فيني بس انا ماكنت اشوفه اكثر من صديق ، بعد كذا انفصلت عن اللي كنت احبه وتألمت كثير وعازمة اني ما ادخل في اي علاقة لأني صغيرة باقي ودراستي أهم ، بس هالشاب علاقتي فيه صارت قوية بزيادة وكان نعم الصديق صراحة وحسيت بميل له وهو اسلوبه وتلميحاته حقت واحد يحب بس ماصرح بشيء ، بعد فترة سافرت لأهلي لعدة اشهر خلالها صديقي هذا تغير علي جدا وصار يتعامل معي باسلوب ماعهدته عليه ولما صارحته استغرب كلامي وقال ماكو شيء والله وليه قلتي كذا وابدا ماني متغير ولا شيء تعوذي من ابليس ، مشيتها له بس مرة صار مزودها وكل ماله يبعد عني اكثر ويقول لي أنه يبي يتعرف على بنات ويبي يكون له تجارب عاطفية غير جادة بس يقضي وقت لين يلقى اللي يحبها قلبه ، انا صدمني هالحكي بس ماوضحت له صدمتي واحتست معاه هذا وش فيه متغير كذا ، تتوقعون ايش سبب تصرفاته هاذي ليش ببعادي عنه تغير كذا وصار كلامه واسلوبه مايشبه نفس الشخص اللي عرفته قرب السنتين ؟