طلبت منها أن نتقابل من جديد فهل ما فعلته صحيح؟

انا كنت بحب واحده ١١ سنه وبعدين واحنا فى الجامعه قررنا نتخطب وعرفت اهلى بالخطوة دى وفرحوا جدا بالاخص ان انا ابن وحيد و والدى خطبهالى الخطوبة استمرت شهرين بسبب والدتها هى اهلها مكنوش يعرفوا بعلاقتنا بس اهلى كانوا يعرفوا وامها كانت شيفانى عيل و مستهتر اهله بيصرفوا عليه حتى مره خرجنا وهى كانت معانا روحنا مطعم فخم وبحاسب والدتها قالتلى عين الفلوس بقولها يا طنط ربنا يخليكى قالتلى لما تبقى راجل وبتدفع من فلوسك مش فلوس ابوك ابقى حاسبلى داه مواقف من اجمالى ملايين المواقف خلال شهرين الخطوبة والغريب ان حبيبتى كانت على طول فى صف أمها وتقولى متكبرش الموضوع لغاية ما تعبت وقررت ننفصل وعملتها بلوك من خمس سنين ومازلت للحظة دى مش قادر اشوف واحده غيرها ومن ٣ شهور قررنا انا واصحابى بعيد عن ضغط الشغل نتجمع ونطلع الساحل يوم صد رد وقابلتها هناك كان من رابع المستحيلات ان اتخيل ان داه يحصل اتكلمنا وسلمنا على بعض كان معاها اختها وزوج اختها ورجعت تانى القاهرة وحذفت البلوك من كام ساعه ودخلت شوفت صفحتها كل بوستتها عنى حتى يوم ما اتقابلنا نزلت بوست وقالت " كم اشتقت اليك ولكنك اليوم قد اشعلت اعماق قلبى مجددا اشعلت نار لم تخمد ولو للحظة " ونشرت بوست انهاردة قالت " تمنيت ان تعود لى مجددا تمنيت ان اطلب منك مسامحتى لم اعرف معنى الحياة من بعدك يا نبض قلبى " هى تقريبا بتنزل كل يوم بوست عنى ومن كلامها ندمانه انها السبب فى البعد داه كلامها نزل عليا نفس احساس لما تحط على جرح بينزف برفان متخيلين الاحساس انا بعتلها رسالة وطلبت منها نتقابل يا ترى دى خطوة صح ولا غلط للعلم انا دلوقتى ليا شغلى الخاص بيا بعيدا عن شعل والدى وقريبا هأسس شركة خاصة بيا للعلم انها ردت عليا وقالتلى الميعاد اللي تحدده هنتقابل فيه من غير حتى ما تسأل ليه