هل هذا يدل على أنه معجب بي أم ماذا

عايزة حد بيفهم فى لغة الجسد يرد عليا هو انا صديقى عندى ليه مشاعر اعجاب و دا من فترة كدا المهم احنا بننزل كلنا مع أصحابنا و هو طريقته معايا و معانا كلنا نفسه طريقة الهزار و الضحك و مفيش حاجة تقولى انه معجب بيا زى ما انا معجبة بيه بس فى كام حاجة كدا لاحظتها فيه بس قبل ما هقولها هقول حاجات عن شخصيته هو من النوع الاقماص جدا و كمان مش بيساطح حد و بياخد موقف من الناس و بيعامل كل واحد على حسب شخصيته لو انا محترمة هيعاملنى بحترام لو انا مش كويسه و بستهبل هيستهبل كدا يعنى و مش بيحكى حاجة عنه او، عن حياته و انا اول لما اتعرفت عليه حبه حبه بقيت قريبة منه جدا و بقينا انا و اتنين صحابى و واحد صحبه اقرب ناس لبعض فهو ديما يقول اننا اخواته و بيعاملنا كلنا نفس المعملة و نفس الهزار بس فى حاجات كدا بحسها مش طبيعية و مش عارفه اذا كانت قصد ولا لاء.. مثلا لما باجى اشرب من حاجة بيشرب منها بعدى على طول و لما بجيب عصير بردو لازم يشرب منه قبل ما حتى انا اشرب منه و مرة طلبت عصير بطيخ و قالى لاء خليه منجه عشاز اشرب معاكى و قولتله ماشى و شربناه بس مش عارفه بجد دى حاجة هو مش قصده يعملها و لا ايه و بردو لما كما راكبين العربية كلنا فكان هو بيسوق و انا و اصحابى قاعدين ورا و صاحبه قدام المهم انا كنت حطه ايدى على الكرسى بتاعه و سانده عشان انا بدوخ و الكرسى التانى الى عليه صحبنا دا مش بيكلم بنات اصلا و مقاطع معانا فالى هو عادى كلنا صحاب طبعا ف المهم لاقيته ساند ضهره لورا و مال براسه نحيتى بس فى حاجات تانيه بتقولى انه عادى لانه بيتعصب عليا الفترة دى غير الاول بس هو قماص فالما بسكت و بقلبها انى انا الى زعلانه بيهزر اكن مفيش حاجة حصلت و بردو فى بنت كدا بيجبها تقعد معانا غصب و احنا كلما مش عايزنها بس بنعملها كويس عشانه و هى بنت مش كويسه يعنى فاهو بيبقى معاها مش كويس و مش هوضح اكتر من كدا فالمهم كانوا بيستهبلوا قدمنا عادى جدا و هو قاعد جنبى و هى جنبه من الناحيه التانية و انا قولتله انى شوفت الى حصل و قولتله انا ذنبى ايه اقعد مع واحده زى دى او اشوف حاجة زى دى و كان عمال يقولى هتفضلى زعلانه و مالك و بتاع دا قبل ماحكيلوا الى شوفته و هو كان بينكر فى الاول الى حصل و بعديها قالى انا مش هجيبها تقعد معاكوا تانى المهم بعديها انا منزلتش تانى يوم و اتصل بيا و كنت بكلموا عادى على قد السؤال عشان كنت قرفانه منه و بعديها فى اليوم دا لما نزلوا كلهم من غيري صحابى بيقولولى انه بقى كويس معاهم و مكنش متعصب و مقعدش ع البنت دى و لما اتصلت مرضيش عليها و كدا و النهارده كنت المفروض هنزل بس منزلتش غصب عنى و قولت لصحابى لو حد سالكم مجتش ليه قولوا انى تعبانه و خلاص فالمهم هو اتصل فمرضيتش و بعديها بشاعة اتصلت بيه فصحبتى الى، رديت و قالتلى انه بيحاسب التاكسى و بعديها لا اتصلت بيا على اخر النهار كدا كان بيقول فى التليفون وحشتينى و بيهزر و انا خدت الموضوع بهزار و قولتله وحشنى و بتاع و اصلا محدش يعرف مشعرى نحيته فبتعامل عادى اكننا صحاب فعلا و مش بيبان عليا حاجة لما كنت بكلم صحبتى من شويه كدا بردو راح بيقولها تقولى انه بيسلم عليا و بيبوسك من هنا و من هنا و بعديها بشويه بيضحك و بيقولها شتمتنى صح المهم انا بس عايزة حد يفسرلى الى بيحصل دا عادى ولا لاء عشان لو عادى مفكرش فيه و نفضل اصحاب بس