حبيبتي لا رأي لها وغصبوها على الزواج

السلام عليكم ورحمة الله وبركاته. لو سمحتوا يا اخواني واخواتي . عندي مشكلة بسيطة اتمنى تساعدوني فيها . انا شاب عمري 20 سنة . حبيت قريبتي عمرها 17 سنة واتعلقت بها وهي كذلك حبتني وتعلقت بي. استمرينا تقريبا 7 شهور على هذه العلاقه. والحمد لله رب العالمين العلاقه مافيها اي قلة حيا . يعني اقصد انه حب حلال ان شاءالله. اتفقنا انا وهي انه نهاية السنة هذه. يعني في الصيف. اطلب من امي اني احجزها . طبعا عندنا عادة انه محد يتزوج من الشباب الا ولازم يكون مخلص جامعه ويشتغل . يعني اقل شي عمره يكون 25 سنة وفوق . المهم . اتفقنا زي ما قلتلكم اني اكلم امي عن حجزها نهاية السنه هذه. مرت الايام . حتى سمعت خبر انه سوف ياتي واحد ويخطب البنت هذه اللي حبيتها . قلبي طاح واصابتني كآبة الله لا يوريكم . وهي خايفه وجاتني وهي زعلانه جدا . فاتفقنا انه اكلم امي بسرعه ونلحق انفسنا قبل فوات الاوان. للاسف اول ما كلمت امي . امي قفلت الموضوع على طول وقالت انسى الموضوع واهتم في دراستك. وهذا الموضوع جدا بدري. وقالت اصلا مافي احد يحجز 5 او 6 سنوات . زعلت كثييير والله . انا قلت الحمد لله لعله خير. قريبتي قالتلي انا لو بيدي راح استناك لين تخلص وتشتغل وتطلب يدي . بس المشكلة انه احنا في عيلة للاسف يجبروا الواحد على الزواج. قريبتي جدا خايفه من هذا الشي. خايفه انه ابوها او امها او حتى جدها وجدتها يغصبوها ويجبروها على الزواج. وقتها حتضطر توافق للاسف . لانه للاسف عندنا ما يحترموا قرار البنت . ويغصبوها على الزواج. ايش تنصحوني اسوي في الموضوع هذا ؟ وايش تنصحوها او ايش عندكم من كلام اقدر اقوله ل قريبتي بحيث انها ما تخاف من الرفض ومحد يتدخل ويجبرها ؟ ساعدونا الله يجزاكم خير. واسف على الاطاله