بعد سنتين من إقناعي بالارتباط به يريد إلغاء شخصيتي

مرحبا انا بنت عمري ١٩ سنة تقدم لخطبتي شب عمرو ٢٧ سنة في البداية ما كنت اعرف انو كان متزوج وعندو ولد وبنت لما اعرفت رفضت طبعا هو ما يئس ضل يحاول عمل كلشي بالدنيا عشان انا ارضى في ما تركني بحالي وضل يحكي مع اهلي ويقنع فيهم مع العلم انو انا بدرس بالجامعة وحلوة واهلي الحمدلله ما في منهم يعني الحمدلله ما ناقصني شي قعد سنتين بس يقنع فيي وباهلي انو راح يعيشني احسن عيشة وولادو مع امهم وانا ما الي باي شي بالاخر وافقت بس هلا بعد الخطبة مرات بحسو ما في احسن منو بكل الدنيا وفجأة بعمل موقف بصدمني في بحاول اتفاهم معو ونقعد نحكي بس هو ما بحب يحكي بدو يعطي اوامر وامشي عليها وانا مش متعودة على هيك عندي شخصيتي وما بعمل شي بدون اقناع انا بسببو اخسرت كتير اشيا بكفي نص اهلي عادوني لاني اقبلت بواحد كان متجوز مش عارفة شو اعمل المشكلة اني بحبو ولو تركتو ما راح افكر بغيرو شو اعمل مش قادرة اتفاهم معو اكمل ولا انهي خلص ولا شو