بعد انقطاع قبلت الرجوع له!

كنت عايشة ببلدي وكنت على علاقة بشخص وكنا متعلقين ببعض ،، صارت ظروف واضطريت انتقل من البلد لبلد تانيه مع اهلي ورضيت بالواقع لانه انفرض علي وانا صغيره ،، وقطعت علاقتي بالشخص لاني متأكدة انو مستحيل ارجع او اهلي يسمحولي ارجع عالبلد هديك ،، انقطعنا فترة تلات سنوات خلال هالفترة حاول انو يرجع يتواصل معي وانا كنت اقطعه لانه ما بدي نضل عايشيين ع أمل كزاب ،، قبل فترة رجعنا تواصلنا وانا ضعفت وقبلت انو نرجع وهلء احنا مع بعض ،، بس حاسه انو بكزب ع حالي و عليه لانو الواقع بحكي انو مستحيل اقدر ارجع اعيش ببلدي الاولى ،، لانه اهلي هون وبيتنا ودراستي وشغلي وحياتي الاجتماعية ،، كتير كرهت حالي وحاسه بتقنيب الضمير لاني حاسه انو بضحك عليه ورح يضل عايش ع امل اني ارجع وهاد ما رح يصير ،، كتير حاولت افهمه وكتير شرحتله بس ما تقبل وكان يضل يحكيلي انو بحاجتي ومحتاجني جنبو وفعلا دايما بوقف معه وبساعده ،، لكن ضميري وقلبي مش مرتاحين حاسه اني بكزب عليه وبظلمه ،، المشكله اني بحبه و بتمنى نكون لبعض ، بس هو ما بقدر ييجي عندي وانا ما بقدر ارجع عنده ،، مع هيك مش عارفه اعيش هيك وانا بظلم فيه كل يوم ،، مش عارفه كيف اقنعه انو مستحيل نكون لبعض ،، ومش عارفه اقنعه بالواقع اللي بيحكي هيك ،، مع انو قبل فتره قطعت كل التواصل اللي بينا بحجة المشاكل وضميري ما ريحني لاني تركته وهو محتاجني ف رجعنا ،، مش راضي يقتنع ولا يفهم انو عايشيين بوهم انو ارجع ع بلدي !!