أحببته وهو من طائفة أخرى

السلام عليكم اني من العراق عمري 23 سنه خريجه وماكو تعين اعيش حياتي بفوضويه وماكو شي اسوي من كنت بلدوام حبيت ولد وبعد فتره 3 اشهر عرفت انو من طائفه أخرى.وانو اهلي مايتقبلو .....نهيت علاقتي بي وتركته ....وخلصت السنه وبعد فتره بدايت السنه الدراسيه اجه شخص وحجه «حكه معي » انو رايدني زواج ،،،ورفضته بلبدايه بعدين دزلي هواي ناس انو يحبني وصدقته وكتله ماشي دز اهلك واني رأئي من رائي اهلي كال لازم نكعد ونحجي لان الزواج موسهل ومن هلحجي وافقت انو نتعرف ونحجي بس لازم كدام الناس علمودبلجامعه مايكون اكو شي غلط واتغارفنه فتره شهر او اكثر كل ماافاتحه بموظوع الزواج يكولي اي هذا الخميس اهلي يمكم وكتله احجي ويه اهلي كال اي كلت لاهبي وانتضرناه وخابرني عمتي اتوفت وبعده مره 40 الوفاه هم فاتحته كال ابو مريض واستمر الاعذار سنه كامله واني كل هذا مصدقته ،،،لان كان كلامه وكذبه بارع وبعد فتره جابلي الكتلوك اختار غرفته زواجنه ونأثث بيتنه وهلشي اكدلي انو صادق وبعده كمت اجمع كذبه واعذاره ورحت سالت عنه بلمنطقه مالته ويطلع مزوج وعنده اطفال 2،،،،،!!!!!!! هنا انصدمت صدمت حياتي يعني فوك السنه ونص وياه وبلاخير يطلع كل الي عشته كذب والي من العراق اكيد يعرفون جو الجامعات واذا بنيه حجت ويه ولد ثنين شنو النظره الي تصير عليه وبعده كل الي يخطب يسال عني يكلوله كبلت ويه !! بس ماخلو الله كبالهم وكالو انو ماسوت غلط ،،،او اكيد عدهه اسباب علمود انسد الموظوع!! وااكتأبت بعده ،،،ومن تخرجت واني بس مسلسلات ونوم ،،،!!! كارهه الناس وكل العالم !!!! هاي مشكلتي !!شنو حلهه برائيكم !!!