رفعت قضيه خلع وهددني ياخذ ولدي!

قصتي مع زوجي وتعامله السيئ معي.. انا تزوجت من سنتين وعمري ٢٤ سنه ومن لما تزوجت وزوجي تعامله سيئ .. منعني من اهلي ومااروح لهم الا بالمناسبات بس ومنعني من التلفون وحتى المصروف جداً بخيل والي يعطيني اياه مايكفي لشيئ.صار يعذبني ووصلت معه يضربني بدون اي سبب واشتكيت عند اهلي اكثر من مره ويرجعوني له وحاولت اروح لاهله لكن مافيه نتيجه.حملت وولدت وبعد ولادتي صار يقول لي كلام محد يقدر يتحمله وماترضى فيه اي حرمه لا بحقها ولابحق اهلها وصارت حياتي جحيم وقلت لاهلي اني مااقدر استمر معه وابي اتطلق منه ورجعت بيت اهلي وللحين عندهم بس زوجي يرفض الطلاق وكل مره يرسل لنا جاهات عشان ارجع معه وانا رافضه الفكره وكلمت محاميه عشان ترفع قضيه خلع وافتك منه.صار يهددني اذا خلعته ماراح يخلي ولدي وبياخذه معي وانا مقدر اخلي ولدي.. ابي اتطلق وبنفس الوقت مستعده اتنازل عن كل حقوقي الماليه .. فايش اسوي معه؟