أخاف رفض الأهل إذا تقدم لي

سلام عليكم انا فتاه عزباء عمري 35 سنه من سنتين تعرفت على شاب مقيم بالسعوديه ويشتغل خياط رجالي عمره 30 سنه في بداية تعارفنا كان حيل يهتم ويخاف علي لو غبت عنه يوم عن الواتساب مر على بدايه تعارفنا شهر وبهالشهر تقريبا تعرفنا اكثر على بعض بس بعدها بأسبوع توفي خالي وبعد انتهاء العزاء فاجأني انه يبي يخطبني وسألني عن رائي بالموضوع بس طلبت منه يأجل الموضوع لظرف وفاة خالي بهالفتره هذي وهو ماتركني وكان يسأل ويتواصل معاي بس بعدها حبيت اختبره وقلت له اني انخطبت بس اللي فاجأني بالموضوع زعله لدرجة اني لما كلمته كان يبجي ومنقهر من الموضوع بس بعدها قلت له ان اهلي رافضين وفرح كثير بهالخبر وهو بحكم شغله ينضغط ببدايه الصيف وبداية الشتا وبرمضان وبالاعياد لجذي اجلنا موضوعنا سنه بعد بس بعد مرور سنه ونص على تعارفنا تزاعلنا وافترقنا لمدة شهرين جرحني حيل بزعلنا وماتوقعت انه يرجع يتواصل معاي تكلمنا اسبوع ورجعنا زعلنا وافترقنا مره ثانيه وهني قطعته تألمت وصرت اقوى وجا عيد الاضحى كنت ادعي ربي يطمني عليه كنت اتطمن عليه لما اشوف اسمه مع حالات الواتساب بس ماكنت اشوفهم وبعدها بشهرين راسلني من جديد وكان كلامه بالبدايه انه حاب يتطمن على صحتي ومع الكلام بدا العتاب من جديد كان يلومني اني ماراسلته وقلت له انت اللي ماتبيني شلون ارجع ارسلك وقلت له ليش تراسل وقال انا ماانسى احبابي وكان يسأل عني وعن صحتي بس كنت اكلمه وارد عليه على قد السؤال مو مثل قبل وتم يراسل يوميا ويسأل علي لما انا انفجرت وقلت له ابي اعرف ليش هالزعل صار بيننا وطلع كل هالشي لان امه تبيه لبنت عمه وهو كان يبيني ومايقدر يقول لامه لا وبنفس الوقت مايبي وحده غيري زوجة له تم يراسلني بهالفتره وكنت معاه لما سافر  هني ماقطعت رجائي بربي انه يرجعه لي ويجعله نصيبي لان حبنا صادق وسبحان الله بشرني ان سالفة خطوبته من بنت عمه خربت بس المشكله امه ماتبيه يتزوج الا من بلده وانا الحين له شهرين من رجعته للسعوديه وكان يكلمني كل يوم صباح ومساء وكل كلامه عن الزواج وانه يبيني معاه بحياته بس كنت دايم اذكره بكلام امه وكان يقولي ان هذي حياته وهو يبيها معاي ومايهم فرق العمر اللي بيننا ووقتها ماقدر يصبر طلب مني عنوان بيتنا قال انه يعرف شخص بالكويت ويعتبره مثل اخوه ويبي يبعثه لابوي علشان يخطبني منه بس طلبت منه يأجل الموضوع لان امي تعبانه وخفت يرفضونه على تعب امي وقتها حسيت انه تضايق وبعثت له العنوان وكان فرحان كثير بس طلبت منه يأجل الموضوع هالفتره علشان امي وقالي اهم شي تكونين مرتاحه والحين امي مسافره لعلاج وابوي معاها بس من فتره 20 يوم كنا نتراسل عادي وتفاجأت فيه يقولي انه يبي يغيب فتره وقالي انتبهي على روحك ولما سألته شفيك قال ان عنده شغل بجده ويبي يسافر لمدة شهر وطول فترة هالعشرين يوم ماراسلني وانا بعد ماراسلته الا بعد ماسافر بيومين علشان اتطمن عليه وقال انه بجده غيابه يتعبني ومااعرف شلون اتصرف وشنو اسوي ابي مشورتكم علي شسوي وهو من البدايه قالي انه راح يغيب شهر وابي منكم حل بشي ثاني شنو يقول لابوي لو بعث الرجال اللي يعرفه علشان يخطبني خايفه من هالموضوع شلون يعرفنا وخصوصا انه بدوله وانا بدوله ثانيه هو طمني انه راح يقول عن طريق ناس يعرفوننا وانا خايفه تكفون ابي حل لموضوعي مع العلم اني من فتره حلمت فيه ولما فسرته طلع انه يرتب اموره علشان الخطوبه سامحوني طولت بالموضوع بس ماعندي احد غيركم اقوله ويشوف لي حل اختكم المحتاره