مشكلتي أني كثيرة الانجذاب والاعجاب لأي شاب

انا عندي 19 سنة مشكلتي اني كثيرة الانجذاب و الاعجاب لاي شاب يكون فيه شئ مميز يعني ذكي او ناجح في شغله او متدين بزيادة بس مشكلتي ان الاعجاب دة بيوصل لدرجة كبيرة من التعلق بتعلق بالشخص دة اووي و احس اني اخيراا لاقيت الشخص المناسب و اقنع نفسي انه بيبادلني الشعور دة مع انه ممكن يكون مش ف باله اصلا و لا حاسس بأي حاجة و افضل أغير و اتأثر من تعامله مع البنات و بعدها بأكتشف ان دة كان هبل و مراهقة و مش حب حقيقي المشكلة ان الكلام بيتكرر و بيحصل معايا كل ما اقابل حد يعجبني بخدع نفسي و اقنع نفسي اني بحب و اكتم مشاعري دي جوايا انا بقى عايزة حل عشان اتخلص من مشاعر المراهقة دي لاني المفروض كبرت و قربت اكمل 20 سنة و لا دي حالة نفسية عندي و محتاجة اتعالج منها ؟! و كمان خايفة استنفذ كل مشاعري في حب المراهقة دة و لما يجي الحب الحقيقي و الزواج و احس بالفتور و اني مشاعري مستنذفة