كيف أتعامل مع حبيبي الذي يتعمد إهمالي والبعد عني

صباح الخير موقع حلوها كل عام وانتم بخير انا فتاه عمري 36 عام عندي مشكله وارجو منكم حلها لي لاني احترت فيها تعرفت على شاب من 3 سنوات ومن بداية تعارفنا طلب مني الزواج لانه ارتاح معاي علما بأنه اصغر مني ب6سنوات بالبدايه رفضت الموضوع لانه اصغر مني بس قال ان العمر مايهمه ويكفي اخلاقي وقلبي الطيب وحبه لي انا سوريه مقيمه بالكويت وهو يمني مقيم بالسعوديه ببدايه معرفتنا كان يراسل بكل وقت بس بعدها صار ينشغل عني بشغله لانه خياط رجالي وينشغل بفترة الصيف والشتا ورمضان والاعياد اول سنه كان يبي يكلم اهلي بس رفضت لسبب وفاة خالي وبعدها الظروف اشغلته بس السنه اللي طافت صار زعل بيننا ورجع ومااخذنا فتره الا ورجع الزعل بيننا لانه قال امه تبي تخطب له بنت عمه وسافر لليمن واحنا بزعلنا هذا مر على زعلنا هذا شهور بس كان يحط حالات واتس وتطلع عندي لان رقمي معاه ورقمه معاي بس بعد هالشهور رجع ارسل ولما قلت له على بنت عمه قال صارت مشاكل بينهم وماصار نصيب لهم وهو مستانس بهالشي بس انا عاتبته لانه زعلني وهو عاتبني لان مر عيد وماكلمته ولا ارسلت له اي رساله بس تصالحنا ورجعنا من جديد والحين بهالسنه هذي احسه متغير علي وكل مره انا اللي ارسل واسأل عنه بس تعبت من هالوضع ارسل ويقرا ويطنش ومايرد الا بعد فتره ويقول انه مشغول وتعبان من الوضع بسبب الحجر مع الكورونا وان شغله صار بالبيت او بالمحل ويقفل الباب على نفسه وانا متحمله علشانه ومن شهر يونيو قالي هالشهر راح تجيك علوم طيبه وابعث شخص اعرفه عنزي من قبيلتنا احنا واخطبك من ابوك لانه مايقدر يجي بس مر شهرين على هالوضع لان الحدود مقفله وانا ساكته مااعرف شنو اقول له صار يقطعني حيل بتواصله معاي مو مثل قبل وهالشي متعبني لاني احبه ورجعت ارسلت له قالي انه تعبان بالبيت من 14 يوم اشباه كورونا فيه وماعلمني علشان مايخوفني عليه انا خفت عليه وكنت ارسل له واتس بس ماكان يرد ولما زعلت قالي اعذريني حبيبي والله تعبان وماابي اتعبك معاي تركته وماتكلمت بعد ورجع لنفس طبعه مايسال علي رجعت كلمته وعاتبته بعدها اخذ كم يوم يرسل الصبح ويتصل الصبح والعصر يسأل علي رجع لنفس طبعه قبل حبيبي اللي عرفته بس مااخذ كم يوم وقطع بحجة انه مشغول لقرب عيد الاضحى سكت وتحملت واليوم بالعيد تفاجأت ان الكل يعايدني الا هو انتظرت للعصر وماارسل ومن صار الليل عايدته وقلت له لقيت الكل يعايدني الا انت مافي ولا رساله منك عرف اني زعلانه وبعث صورته قالي هدية العيد لاني متعوده اننا نرسل صور لبعض قلت له مو مرسل شي من فتره شنو هذا تغلي والا زعل قال ان شاءالله مافي زعل بيننا بس حبيبك مشغول هالفتره وقلت له واللي مشغول مايسأل عن حبيبته شفيها من قلت له جذي سألني عن صحتي بس انا رديت عليه بسؤال تبي ننهي اللي بيننا بس قال غريب سؤالج وقلت له من تصرفاتك معاي عاد قالي هذا يوم فرح ليه هالزعل وليه معصبه وان باله مشغول على اهله مايردون عليه لانهم باليمن وطلب انه يشوفني بس قلت له لما تفضى عاد رجع وقال فضيت ومشتاق لج بس انا قلت له انت ماقلت جذي الا لاني عاتبتك وماخليته يشوفني وقلت له استأذنك بس رد علي في امان الله وهالشي زعلني حيل وبعثت له اغنية روح انا راضي بغيابك ي حياتي وركتبت له لو تبيني تلقاني ببيت اهلي لاني عصبت من تصرفه معاي بس مارد علي قولولي شسوي شلون اتصرف معاه لاني اعرفه صج يحبني ولا تقولون يلعب عليج هو كتوم ومايحب يعلمني بشي يضايقني بس تصرفاته تزعلني شسوي معاه قولولي تكفون والله محتاره لاني كم مره اشوفه بمنامي ولما افسره يطلع انه يحبني ويبي الزواج بس تصرفاته تغثني ارجع اكلمه والا اطنشه وخصوصا اني قلت له تلقاني ببيت اهلي والا شسوي والله محتاره ومالي احد الا الله ثم انتم تساعدوني اختكم المحتاره بنت الكويت