بنت مزاجية ولكنه وقع في حبي

صباح الخير رمضانكم مبارك ... بتمنى تلاقولي حل لمشكلتي بالاول انا بنت مزاجيه وبمل كتير ولا مباليه وهالشغلتين متعبيني ... والحمدلله كل شيء متوفرلي ومن اكتره .. من فتره قريبه تعرفت ع شاب عن طريق الفيسبوك اكبر مني بست سنوات ... يعني انا بحبه يوم وبكرهه عشره ... وحبيت هالشخص كتطيع للوقت مش اكتر وانا بدرس بمجال الصحه النفسيه لهيك هو مستغل هاي النقطه ودائما بيلجئلي لما يكون عنده مشاكل ... ومليت من هالقصه وكمان لانه ماعنديش هالايمان بأنه حب ... لكن ما تخيلت توصل انه يحبني بهاي الصوره المجنونه ويتعلق فيني وحكي لاهله عني ويهددني اذا بروح لغيره راح يظل يدعي علي ويأذي حاله وامور الخطف ... وانه اهل الباديه لا يرضون الا بهالاشي ... ما اخدت هاد الموضوع ع محمل الجد لانه بدا لالي تصرفات الشاب طفوليه وقت يبعتلي ويحكي معي بكتشف انه تفكيري غير تفكيره هو بسيط بتفكيره وانا عندي احلامي يلي بدها وقت للتتحقق ولو فكرت بالارتباط اكيد مش راح يكون هو واكتر من مره حكتله بس ماتوقعت يكون جنوني بتصرفاته ... وبيوم تفاجئت بوالدته بتبعتلي صور لاله وهو بالمستشفى وحكتلي اذا ما بصحى ابنها ويطلع من المشفى الها تصرف ثاني ... طيب انا حره مابدي احب ومابدي اثق بحدا وبدي اضلني لحالي وبديش ارتبط بحدا ... ولا اخفيكم انه بلشت اخاف اذا بابا عرف بهاد الموضوع وكمان خايفه من يلي راح يصير بالشاب والله شو راح يعمل فيي وكلام امه الي ونفسي كتير زعلانه مني ... مش عارفه شو بيطلع بإيدي اعمل