تعلقت به كثيراً لكنه يحاول أن يبعدني عنه بكل الطرق

السلام عليكم كيف حالكم , انا من يوم كنت صغيرة في موقع احبه كنت ادخله منتدى وكان لي فيه ذكريات حلوة و مرت فترة طويلة مادخلته بس كنت اروح وارجع عليه من فترة للثانية لان عزيز علي هالموقع ولي ذكريات مع اعضاءه من طفولتي المهم صار لي فيه مشكلة واطريت بعد سنين ادخله احل المشكله فيه واطلب حذف عضويات لي وفيه احد من ادارة الموقع مشرف يعني ساعدني و كان تصرفه معاي راقي وطيب و الله يعلم يومها كنت ابكي كثير يوميا تقريبا فالليل بسبب المشكلة اللي صارت لي في واقعي بسبب المنتدى يعني في بنات من المنتدى ادعوا انهم يريدون يكونون صديقاتي لكن طلعوا يكرهوني و يستغلوني المهم هالشخص ساعدني يومها انا عمري كان 30 سنة هو عمره 29 سنة , قالي انه بعده ما تزوج ويريد يتزوج وقعد يلمح انه يريد الزواج مني ! المهم انا كنت خايفة لان فجأة صار الموضوع و مو على بالي داخله الموقع احل مشكلة وشخص يعرض علي الزواج وهو مايعرفني ! خفت المهم صار اني ادخل الموقع و في اعضاء اصدقاء لهذا الشخص كان يحاول يمرر مشاعره من خلالهم , وانا كنت اصدق لان فعلا كان جدي فالبداية و برغبته بالزواج وكان يدخل بعضويات ثانية غير عضوية الادارة بس يدخل معانا بقسم المسابقات عشان يكون قريب و يسال اسالة عن حياتي ! انا اكتشفت وقلت له انت تدخل بعضوية ثانية واسمها قال لا المهم مر كذا اسبوع و يمرر رسايل ثانية عن طريق الاعضاء في موضوع يعني نقدر نسال فيه ويقول انه يحبني واني رفضت حبه واني اهرب من القدر المهم مرت هالفترة بعدها سالني ليش ما اريد اتزوج الحين قلت اني اخاف من الزواج مو متقبلة الفكرة بعدها نحن طبعا فالمنتدى اتعامل بحدود سواء مع البنات او الاولاد وانا عن نفسي ما احب سوالف الحب ما حب لكن عندي مشكلة اني اتعلق فالناس بسرعة واحبهم فما ادري سبحان الله ليش لما كان يلاحقني او يرد فالمواضيع احاول اخلي مسافة وانا ما اكلم اولاد هو قال ان غرضه الزواج فهالشي رغم خوفي ورفضي لفكرة الزواج خلاني امشي الموضوع وقلت ليش ربي قدر يصير هالموقف ونلتقي في ظرف مثل هذا وانا فيني آكتآب على فكرة يومها كنت اصيح و هو ساعدني الصراحة بكلامه وكلماته شجعتني فقلت خلني اشوف شو آخرتها و اتعامل بحدود وانا كبيرة وهو كبير و فاهمين واقدر انسحب المهم مرت ايام و سالني عن حياتي بس عن اسمي و عن قبيلتي و شو الاشياء اللي احبها و اهتماماتي وكان يهتم في اهتماماتي بشكل كبير احس باهتمام كبير المهم بعد ماخبرته عن اسمي انا ما احب اسمي على فكرة وكنت ابي اغيره المهم يعني هو قال اسمي سيء بس قال في اسامي ثانية افضل هني حسيت انه مايقبلني على طبيعتي بديت افقد ثقتي بنفسي و يلمح على موضوع الزواج صح اني جميلة لكن بعد اشك بنفسي ههه ونك نيمي فالمنتدى كاتبة مس حلا بس رغبته بالزواج مني خوفتني قلت يمكن ما اكون مثل توقعاته او اني عاطيه لنفسي تقدير اعلى من ما استحق و هل عادي نعطي نفسنا تقدير عالي حسب منظورنا ويطلع عكس توقعات الناس لان احس نك نيمي جذبه لي وهالشيء يحسسني بالذنب فانا حتى لو كنت اشوف نفسي جميلة ممكن توقعات ونظرة الناس تختلف و كان يدخل مركز تحميل يعني نفس المدونة اكتب فيها مشاعري وافكاري بشكل شبه يومي تقريبا ويراقبني يشوف شو اكتب واذا كنت حزينة يدخل على طول يرد واذا ارسلت رسالة مايرد على طول يشوف شو اكتب في المدونة بعدين يرد و احس انه متاثر فيني وفي طباعي وهواياتي حتى طريقة كلامه صارت مثل كلامي و حتى في الموقع لما اكلم صديقات وبنات ونضحك يروح يغار ويكلم بنات بعدين يوم اعلق في مدونته يحاول يطمني مافي شيء ما افهم صراحة ؟ وبعدين صار يبتعد و يتجاهلني لما كتبت مرة فمدونتي اني في غنى عن اي حد مايكون معاي في فترة ضعفي خذ كلامي له مع اني اتكلم بشكل عام ما اقصد احد ووضحت له وقال ماراح يدخل المنتدى لان ماله نفس وطريقة معاملته تغيرت معاي وهالشيء زعلني لاني ما احب اجرح حد وما احب حد يتغير علي من دون ما اعرف السبب ومع ذلك تم يراقب مدونتي و يدخل بعضوية ثانية عشان يكون قريب ويسال اسالة انا احس موجهة لي وبعدين ارسلت له اعتذر له عن هالشيء لكن ما رجع نفس قبل ابدا فحست بالم انه حد يتجاهلني وشكله كرهني زعلت صراحة ان حد يظن كلامي موجه له و انا افضفض بشكل عام ما اقصد حد وماعندي غير هالمكان افضفض بعيد عن الكل وانا عضوة فعالة في هالمنتدى احب المنتديات لان فيها تبادل افكار واحط رسوماتي و تصويري الفوتغرافي واشوف راي الناس بافكاري مواهبي فغبت تقريبا ٥ ايام او ٦ ايام قرابة اسبوع ورجع يمرر لي رسايل عن طريق اعضاء هم اصدقاءه وتقريبا اصدقاءي مشتركين عن طريق الاسالة ويقول كيف تفكر تقاتل عشان حلمك ؟ وانا احس انه موجه لي بس لما اسال الاعضاء المشتركين بينا اللي يسالون اسالة معينة عن الموضوع ينكرون و يقولون مافي تواصل بينا وبينه و انها اسالة عشواءية صراحة ما اعرف شو اقولكم احس اني مشوشة هو يحبني صدق و لا يلعب ؟ و شفت في يوتيوب ان الشخص اللي يحب طباعه تصير بهالطريقة وانا ما احب سوالف الحب وماعندي هالخرابيط بس فترة يقولون ان الحب الشريف مو حرام وعادي نكن مشاعر لاشخاص دام بحدود وما في يعني علاقة برى المنتدى تعامل بحدود لكن المشكلة هني اني بديت اكن له مشاعر لان فيه صفات اقصد بتعامله تعجبني مثل انه عطوف احس اني حبيته او ما ادري اذا تعلق بس دايما كنت اريد شخص عطوف بهالطريقة مع اني ما عندي هالامور وكان صعب اني اقول مشاعري لكن قلت احسن اقول مشاعري فحطيت صورة في مدونتي وسالني هو فالبداية اذا اكن له مشاعر ولما دخلت بعد اسبوع بعد ماكان يمرر رسايل عن طريق الاعضاء دخلت قلت احس بالم وكيف صار هالشيء لاني احس اني حبيته بدون ما احس ! احسه نفس شخصيتي بشكل غريب اول مرة احس بهالشعور او يمكن تعلقي فيه اعماني ؟ يعني كانه انا في مكان ثاني : ( فكان صعب علي اسبوع احس بالم لانه ما اشوف فارض الواقع احس اني متالمة فارسل لي قال انه مايحتك معاي عشان ما احبه و ما اتعلق فيه وما يحب يجرح حد ومايحب حد يكون حزين بسببه لكن قلتله ممكن نستمر عادي مثل كل الاعضاء ونتصرف عادي وبحدود قال بس توعديني تبطيلن تحبيني وتتعلقين فيني ؟ يعني مافهمت من طلبه اني اوقف احبه يعني ما كان يحبني ومايريد حتى محبة مني حسيت برفض وقعدت اصيح صراحة وان الناس حتى محبتي مايريدونها يعني حتى مايهتم اني حبيته وبديت اكن له مشاعر بشكل حقيقي وايد تالمت وصحت واحسني داخله فآكتآب مرة ثانية وهل في شخص يحب شخص يقوله توقف لا تحبني ولا تتعلق فيني يعني كان يقول جي عشان يتزوج وخلاص ولا كان يحبني و لا يكابر ؟ و لا يقول جي لان كنت متالمة وحس بالذنب و قال اقول جي عشان اريحها حتى لو على حساب اني احبها انا عن نفسي قبل يعني ما اعرف حب ما حب يعني ما اهتم بهالامور وما أومن بالزواج او الحب عن طريق النت لكن اللي صار والله غريب الظروف اللي التقيت به فيه كان ظرف صعب علي و هذا بعدين صار بتقدير الله واللي اعرفه ان كل شيء يصير بتقدير من الله حتى الكلام اللي يقولونه لنا الاشخاص وقوفهم معانا تشجيعهم لنا كل سبب من الله و الله يجريه على لسانهم انا قلت له بابتعد عشان كرامتي حسيت برفض ونقص وحزن وكل شيء لكن بعدني حزينة ومتالمة من اللي صار شو يعوض مكان الاشخاص اللي نحبهم ؟ ويتركونا وكيف نقدر نتخيل نفسنا مع ناس ثانيين او نحب مرة ثانية ونكمل حياتنا ونحن فكرنا مع اللي راح ونحس ان مافي شيء بيعوض مكانه ومانتخيل اللا هو الشخص اللي تمنينا يكمل معانا حياتنا ؟ هو كله نصيب بس كيف تتصرفون و شو راي الدكتورة ورايكم وشو رايكم في كل اللي صار انا حسيت انه حقيقي حسيت بكل لحظة فيه وعلى فكرة بينا دول انا من الامارات وهو من عمان