حزين من عدم اهتمامها بي

انا كاتب كتابى من حوالى عام ولسه ماتمش الزواج بس بشتغل بعيد عن بلدى و زوجتى. بحبها جداً وهى فى بدايه الخطوبه مكنتش بتحبنى بس بعد ما قربنا من بعض قالت انها بتحبنى المشكله هى بتشتغل و دايمآ مضغوطة ف الشغل وقت طويل واحنا كل اللى بينا مكالمات بس أوقات كتير بلاقى انها فتره طويله من اليوم ما تسأل عنى ولا حتى تقلق لو انا ما اتصلتش بيها مع العلم مكنتش كده الاول كانت تتصل بيا ف اى وقت من اليوم ونفس ظروف شغلها ما اتغيرت قل كتير اهتمامها وكتير من تصروفتها و المواقف بحس انها بس بتحس انى وحشتها ف وقت فراغها انا فكرتى عن الاهتمام وإحساس ان اللى بتحبه وحشك او حتى تقلق عليه ملهوش علاقه بضغوط الحياه دى حاجه بتطلع من القلب بطريقه عفويه نبهتها للموضوع .. قالت بعد الجواز هتغير انا خايف و حزين جداً انها مش بتهتم بيا سؤالى هو. هل اللى بيحب حد بجد مهما كانت عنده من ضغوط مش بيحس بلهفة او قلق على اللى بيحبه او حتى مهما كان مشغول مش بيحس ان حبيبه وحشو ...... مع العلم انا دايمآ بسأل عنها كتير ودايمآ فاكرها بهدايا ودى حاجه من قلبى معلش طولت عليكو