يقنعوني بالزواج منه رغم كرهي له

السلام عليكم أنا بنت عمري 16 سنة مرة من المرات شفت ولد عمتي يكتبلي انو اهلي يبو يخطبوك ليا وانا مااباك وحرموني من الجامهة عشانك وووو المهم انا ما تأثرت ابدا قلت شي عادي لمن يجو يطلبوني ارفض المهم جا الوقت وطلبوني انا وقتها قلت ماابا قالتلي عمتي كيف ماتبي وهوا يباك وهوا شاريكي وهوا الي طلب مننا انو نخطبك ووو وغيرو المهم انا قلت لامي بعد فترة انو قلي زي كدا ماما اتصلت على عمتي وقالتلها عمتي صارت تحلف انو هوا يحبني وهوا يباني ومدري ايش وصارت تقلي يحبك ومدري ايش المهم بعد ماقفلنا الهرجة يجي ويكتبلي ويعتذر ويقلي انا سويت كدا لانو اهلي اتأخرو في الطلب وصار يعنذر ويرسلي ناس وهوا جد مرةةةة يحبني والكل يعرف بس ليش كدا سوا مااعرف المهم عمتي رجعت خطبتني وانا لسى ماابا ومعارضة واول شي انا صغيرة وبابا يبا يدرسني بس بابا خايف من امو كل شي عندها غضب وغضب وكل العيلة يبوني اتزوجو وهوا يبا كمان بس انا اكرهو مررةةة اكرهو الكل صار يتصل عليا ويقلي اقبلي ومدري ايش ويضغطو عليا مع العلم انو كل فترة كان يكتبلي ويعتذر ومدري ايش بس انا مني قادرة اتقبلو كارهتو بشكل مو طبيعي يعني مافي شي يخليني اقبلو لاشكل ولا وظيفة ولاشي استخرت ولساني مرتاحة مع الرفض بس اهل بابا مو راضيين يفكوني تعبت ،مع العمل اني مني قادرة ابدا اتحملو والله العظيم حاسة بكره عظيم له لانو قاعد يجبرني عليه ايش اسوي