انا مطلقة وتقدم لي متزوج هل أقبل

حابه استشيركم لثقتي فيكم انا مطلقة وتقدم لي متزوج هل أقبل وعندي طفلين ، عمري ٣٢ انا جلست بدون زواج سنوات علشان اطفالي والحمدلله من تطلقت مو هاجسي الزواج بس بعدين حسيت ماينفع اقعد عزوبيه لاننا بشر في الاخير وانا عارفه نفسي / الحمدلله ادخل دورات علشان يارب القى وظيفه عايشه مع اهلي ومو مقصرين علينا بشي المهم انا عرفت شخص اكبر مني في الاربعينات وعنده اطفال وظيفته حلوه راقي متعلم مثقف في البدايه كان بيننا مراسلات فقط مع انو كنت اعتقد انو مو منجذب لي فكنت اتركه بس فيه شي يرجعني له وكل مره ارجع اسال عنه القاه يرد علي احس انه مبسوط اني رسلت له مع انه دايم مشغول بحكم شغله وشغله يعني يحتم عليه احيان يسافر جوا البلد اوك اللي قال لي اول ماعرفته انه مطلق وهذا صحيح وسبب الطلاق عادي يعني مافي توافق وكذا وعناد وانا عرفته وهو ماكان مع طليقته يعني مطلقها طلقتين اعترف انه كان ناشف معي ويرد برسيمه لدرجه احس يمكن فارضه نفسي بس قالي انتي مو حلالي يافلانه علشان اعطيك مشاعر اذا صار نصيب ابشري بس حاليا لا بديت انا ابعد عنه لان ابي اخذ واحد عن حب وهذا يعني كلمات بالقطاره قالو لي البعض يمكن يكون مايبي يسوي شي حرام حكم انو لسى محنا حلال لبعض رجعت ارسله وعلى فكره كل هذا كان بيني وبينه مراسلات فقط وكان لما يطلب يكلمني ارفض لان صراحه ماتعودت اكلم رجال وقال اجل كيف اعرفك وتعرفيني اول مره قالي ابي اجي بيتكم اخطبك لان مرتاح لك صراحه ابي دغري رفضت لاني ماعرفه لسى واخر مره تركنا كان بسبب انه قالي !! ان اهله يضغطون عليه يرجع زوجته قلت كيف ! قالي هذا اللي صاير طليقته مكلمه اهله تبي ترجع وماراح تعيد تصرفاتها وكذا ويقول انا برجعها علشان عيالها نفسياتهم تعبت انا وحبيت اعلمك علشان تكونين على علم ؛ انا صراحه ماعرفت وش اقوله انسحبت منه بكل ادب ودعيت لهم وحذفته بس اني صراحه جا العيد وحبيت اعايد عليه وفعلا رد علي واللي صار كلمته اول مكالمه بيننا اعترف اني احس انه واحد كفو وواحد قادر ياخذني انا وعيالي سالته رجعت لزوجتك قال ايه رجعتها بس انا لما طلبت اخطبك لانك انتي غير وماعمري ارتحت مع احد مثل مارتحت لك مع اني لاقي قبلك بس فكرهم مو مثلك انتي غير ويحط لك شقه وبأثثها لك وعيالك بيكونون عيالي ماعندي مشكله / قلت له انا مابي ادخل بين رجال وزوجته والله العظيم مو انا انا الحين انتقد اللي يتزوج على زوجته اجي انا اخذ متزوج قالي انا لو مرتاح معها ماتزوجت ثانيه بس كل مره ترجعين لي وترسلين قلبي يفز ابيك تفكرين وتستخيرين وتردين لي جواب ومستعد بكل شي ياناس الان ايش انا ابيه وعاجبني اصلا لقيت اللي ادور عليه من زمان بس وربي لما دخلت حياته كان بدون زوجته لو ادري انه كان يفكر يرجعها علشان اهله كان ماقربت منه بعدين هو مو راعي سوالف هو جايني يعني دغري وعطاني الدغري، صدق انا محتاره وهو يعني عاجبني وقاره وعاجبني حكمته وهدوءه بس انه ادري يبيني ولكن ماارضى على زوجته احس اني دخيله احس لو اهلي يدرون بيوافقون عليه لانه كفو ومعروف وكريم وادري انه راح يكون لي السند اللي ابيه هل هناك عواقب الزواج من رجل متزوج وكيف هي تجربة الزواج من معدد؟  اريد اسمع تجارب زواج المطلقة من رجل متزوج ، سامحوني طولت عليكم بس ابي الشور هذا غير ان اهلي اصلا مايدرون اني ابي اتزوج وكيف