لماذا تتصرف هكذا

السلام عليكم. تعرفت عل فتاة في محيط عملي . عندما رايتها اعجبت بها و حاولت التقرب و الحديث معها و بعد ذلك طلبت منها رقم تليفونها و بدأنا نتحدث .الملفت للنظر اننا بمجرد ما اخدنا تليفونات بعض بادرت هي بالاتصال و الحديث معي بسرعة و كانت تبعث لي الرساءل و المكالمات الكثيرة في البداية لدرجة اني كنت غير قادر احيانا كثيرة للرد و مجاراتها بسبب انشغالي في العمل او انشغالي باي شئ اخر . كنا نتحدث مع بعضنا كثيرا بعد شهر من التعارف و الحديث احسست اني بدات اتعلق بها و لانني كنت غير مستعد للزواج وقتها لظروف عاءلية هي صعبت عليا و خوفت احسن تتعلق بيا و استحرمت اني اكمل معاها و انا مش ناوي عل ارتباط فقررت اني ابعد عنها لاني ابتديت احبها و صعبت عليا اني اخدعها. لكن هي استمرت في ارسال الرساءل لي و الاتصال بي لمدة يومين بعدها و انا مبردش عليها لدرجة اني كنت بكون اون لاين عل الواتس اب و تبعتلي رسايل و مردش بس في النهاية مقدرتش اقاوم و حنيت ليها اوي و ابتديت ارد عليها و عتبتني شوية و قالتلي متعملش كدة تاني المهم استمرت العلاقة ما بينا ومرت ايامي معاها كانها حلم جميل كنا لا نفارق بعض الا عند النوم فقط حبيتها من كل قلبي لكن كنت في البداية مبرداش اصارحها و بعدين صارحتها بعد فترة و هي كمان كانت بتقولي انها بتحبني اصبحت كل حاجة و اهم حاجة في حياتي كنت لا اتصور يوم ياتي و لا اتحدث اليها او اراها او اسمع صوتها . بس كان فية حاجة محيراني جدا انها عمرها ما لمحتلي حتي مجرد تلميح عن ارتباط او اي شء . و بعدين بعد حوالي ستة اشهر طلبت مني اني مبعتش ليها اي رسايل او اتصل بيها لفترة مؤقتة لحد ما هي الي تتصل بيا و قالتلي السبب ان ان اخوها المتزوج عندة ظروف و هيعد عندهم في البيت فترة من الزمن . المهم انا مرتحتش للكلام دة و بعد كام يوم لقيتها بتكلمني فقولتلها انا مش مرتاح للقصة الي بتقوليها دي صارحيني فية اية في البداية كانت تتهرب مني في الكلام و عايزة تقنعني ان الموضوع زي ما قلتلي مفيش حاجة تانية بس في النهاية هي ضعفت و اعترفت انها متزوجة و عندها ابناء و زوجها شغلة في سفر و بيجي كل شهرين او تلاتة يقضي اجازة معاها و بعدين يسافر تاني. انا طبعا وقع الكلام علي مسامعي كالصاعقة . لساني اتشل و بقيت مش عارف اقول اية و قالتلي انا قولتلك كل حاجة و انت برحتك عايز تبعد عني او تكمل معايا برحتك . و قالتلي متسبنيش انا محتجالك و انت اجمل حاجة في حياتي و انا عايشة حياة صعبة مع زوجي دة و عايزة انفصل عنوا بس اهلي مش موافقين و عددتلي مساوء كتيرة في زوجها مخلياها مش قادرة تكمل معاة . انا طبعا بقيت مش عارف اعمل اية قررت اني ابعد بس مقدرتش لاني حبيتها جداااا . و اتعلقت بيها لدرجة اني مش متصور حياتي من غيرها . حالتي النفسية اصبحت سيءه للغاية المهم مقدرتش ابعد و هي اتمسكت بيا . بس انا ابتديت اشعر بعديها انها بتكلم حد معايا تاني فسالتها فقلتلي انا بكلم ابن عمتي وواحد زميلي في الشغل تاني هوا محامي بسالة عن حاجات قانونية عشان لو حبيت اطلق و كدة لكن انا بردوا مرتحتش المهم انا جيت في يوم اصريت اني اعرف بتكلم مين غيري لاني كنت حاسس انها بتكلم حد باهتمام جدا لدرجة اني ابتديت احس ان اهتمامها بيا قل . فقولتها لازم نصارح بعض بكل حاجة و لازم يبقي فية ثقة و صراحة ما بينا يمكن في يوم من الايام نبقي لبعض . هي سمعت الكلام دة راحت ضعفت و قالتلي انها بتكلم اكتر من شخص غيري و مع الضغط اكثر قلتلي ان فية شخص منهم الكلام ما بينهم بيوصل للكلام في الجنس بس هي مبتديلوش فرصة و بتغير الموضوع كل ما ييجي يتكلم في الحاجات دي. طبعا انا اتدمرت زيادة و حسيت ان الدونيا اسودت في وشي. المشكلة بقي ان جوزها شاف الكلام دة ما بينا عل الدردشة عل الفيس بوك و قراة و طبعا حصلت مشكلة كبيرة جدا و المشكلة انها في عز المعمعة دي و المشكلة دي هي بقت تبعتلي رسايل تقولي متسبنيش و متبعدش عني انا بحبك انت و الله و انا خلاص مش عايز اتكلم مع حد غيرك انا ندمانة اني عملت كدة و بعدين قالتلي اية رايك ارجعلوا تاني و لا لا و قالتلي انا مش عايزاة انا عايزة انفصل عنوا فقولتلها حتي لو عايزة تنفصلي مينفعش انك تنفصلي دلوقتي بسبب المشكلة دي عشان خاطر سمعتك و سمعت ولادك بعد كدة . فبدأت تلمحلي عل موضوع الجواز منها لو تطلقت و بعدين قالتلي صراحة لو تطلقت منة الان هتتزوجني . قولتلها الموضوع دة حاجة مش سهلة اني اكون السبب في خراب بيت وو لادك طيب ذنبهم اية يتعذبوا وسط كل دة و بعدين لا يصح انك تتركية الان بسبب مشكلة زي دي عشان خاطر سمعتك بعد كدة المهم هي اقتنعت و رجعت تاني لية . بس هي لسة بتكلمني و و بتقول انها بتحبني و متقدرش تبعد عني و كلام حب كتير قوي بتقولهولي . و هي لسة عندها امل اننا نرتبط انا و هي بعد كدة و قالتلي ان اهلها و زوجها ضغطين عليها انها تقولوهم عليا عشان يعرفوني بس هي لم ترضي ان تخبرهم عني شيئا و انها تضحي من اجلي و هددتني تهديد مستتر انها سوف تخبرهم عني و توصلهم ليا ان انا تخليت عنها. انا بصراحة بحبها حب جنوني و متعلق بيها جدا و مش قادر ابعد عنها . لو كنت عرفت انها متزوجة من البداية مكنتش قربت منها اصلا. لكن للاسف هي قالتلي متاخر بعد ما اتعلقت بيها خلاص. و المشكلة اني مش عارف حتي اذا كانت هي بتحبني فعلا و لا بتلعب بيا هل ممكن بعد دة كلوا و بعد علاقتها الكتير دية اثناء علاقتها بيا تكون ممكن تكون فعلا بتحبني زي ما بتقول . انا بصراحة تعبان جدا . الواضح طبعا من كلامي انها انسانة خبيثة و لكن في الحقيقة هي غير ذلك تماما هي انسانة طيبة جدا و يوجد عنها براءة مثل براءة الاطفال و يوجد عندها خبره قليلة بالحياة و التعامل مع البشر يمكن هذا بسبب تربيتها المنغلقة كما كانت تحكي لي و انها كانت متضايقة كثيرا من اسلوب تربيتها هذا كما كانت تحكي لي . هما اهلها ناس محترمين جدا و سيرتهم كويسة جدا و لها اخ في قمة الاحترام و الاخلاق. و برغم كل ما فعلتة بي هي صعبانة عليا جدا و مش قادر اكرها وبرغم ضيقي الشديد مما فعلتة بي لكني مازلت احبها بجنون انا عمري ما كنت ضعيف هكذا لم اتخيل يوما ان يفعل بي كل هذا من انسانة احبها و لا استطيع ان افعل شىء و لا استطيع حتي كرهها . انا بجد نفسي اساعدها و نفسي هي ينصلح حالها و لا تعود لافعالها هذة مرة اخري و لا تدخل في مثل هذة العلاقات مرة اخري و نفسي تكون انسانة محترمة انا حتي مش عايزها تعمل حاجة غلط حتي لو معايا انا شخصيا . لذلك قررت الابتعاد عنها . لكن نفسي اي خبير نفسي او حتي اي شخص عندة خبرة بالبشر و بالحياة يقولي هي لية عملت كدة . لماذا لم تخبرني منذ البداية انها متزوجة و لماذا هي تدخل في كل هذة العلاقات الكثيرة مع الرجال و الاهم الذي اريد ان اعرفة هل هي احبتني فعلا كما قالت و مازالت تقول رغم كل علاقاتها هذة ام ان هذا باقي مسلسل خداعها لي منذ البداية . نفسي حد يكون عندة خبرة فعلا يقولي عشان دة فارق معايا جدااااا انا فعلا قررت اني ابعد عنها خلاص بس نفسي اعرف الحاجات دي .