فرق المستوى عائق بيني و بين من أحب

السلام عليكم ..استحملوني شوي.. لو طولت عليكم .انا بنت عندي 23 سنه. قعدت طول عمرى معقده من الارتباطات والخطوبه وكنت بدور على حب بجد ونويت أن مش هتجوز جواز صالونات ولازم اختار صح طول فتره الجامعه بيتقدملي ناس كتير اوى خصوصا أن الحمد لله جميله ومن عيله كويسه... وماديا كويسين اوى الحمد لله وبما أن من الأرياف.. كل هم أهلي هو أن اتجوز وبس ومش مهم بقى هتجوز مين.. أو هعيش ازاي رقم واحد عندهم أن اتجوز زي البنات وبرضو اتحديت الظروف والذن على وداني والعذاب ليل نهار بالكلام ومحاولتهم انهم يخطبوني مرتين غصب عني وانا ف الجامعه وارفض واتعذب واتبهدل واتشتم وانضرب.. وبرضو حاربت وصممت على رأيي أن مش هتخطب غير لما أحب لأن انا ال هعيش وماكنتش مصدقه ابدا ان هحب لأن قلبي كان رافض بطريقه غريبه وحاسه أن مش لاقيه الحب دا أو اني غريبه أو فيا حاجه غلط المهم خلصت جامعه والذن ذاد طبعا . وبرضو رافضه المهم قابلت الإنسان ال اتمنيته.. والصفات ال رسمتها بالظبط وبما أن كنت مكبوته طول عمرى اندفعت مشاعري بطريقه غبيه وحبيته حب فوق الجنون بمراحل وهو كمان حبني بجد.. وكل يوم يوعدني انه هيتقدملي وفعلاً جه واتقدم وقولت خلاص هرتاح بقى وهرتبط بالإنسان ال اختارته وحبيتهوالفرحة كانت مش سيعاني وبقيت زي المجنونه من الفرحه وبعد ما روح كلمني وهو منهار وبيقولي أن باباه مش موافق لأنهم عايشين في مستوى اجتماعي احسن شوي وانا والدي ووالدتي ناس بسيطه ومش متعلمين بس دا مش عيب علموني انا واخواتي احسن تعليم وربونا احسن تربيه ولو عيب مش هيعيبني المهم هاجمته وقاطعته وقولتله مكلمنيش وابعد عني قعد يعيط ويقولي انا ذامبي اي متبعديش عني والهي لاتجوزك مهما حصل بس ادينى فرصه أحاول تاني مع أهلي مهما كان أهلي مينفعش ابيعهم ونفس الوقت مقدرش أعيش من غيرك لحظه واحده لأن مستحيل اعوضك رغم أن اتبهدلت من أهلي. وكلام تعذيب وأهله بعتولي رسايل يطلبو مني أبعد عنه والموضوع فات عليه مده ومفيش جديد بس كلامه أن في خير قريب مش عارفه اعمل اي أكمل في طريق معرفش نهايته أي وأهلي والذن عليا ونفس الوقت انا مستحيل أحب غيره لأن محبتش بسهوله قولولي حل بالله عليكم بس بلاش اسيبه لأن هو القلب ال بيدق جوايا