خطيبي يتخلى عني

انا اتعرفت على شاب و خطبني خلال وقت قصير يعني مدرستوج وافقت واتقدملي و جابلي عايلتو و اول مره وافقت لاني حسيتو انسان جدي و المفروض يكون سنو فوق 30سنه عاءلته ناس طيبين و دافيين خصوصا والدتو ضيفتني و تنصحني كيف بنتها لكنو انسان غير ناضج اكتشفت برشه اشياء مع الوقت صحيح العايله طيبه لكنو ميعترفش باغلاطو و مناش نتقابلو ديما يتحجج ماديا بالرغم ضروفو مستوره و يخدم الحمد لله المره الاولى بعد الخطوبه اختلفنا على الخمر لانو يشرب و كيف تناقشنا مش باش نفرض رايي لكن حبيت نوضحلو الحاجات الي يقلقوني و اولها الخمر لكن الي وجعني يحكي معايا ب عشره وافي هاذا الموجود ....وانا ما يحكم فيا حد و ما يصلحني حد و برشه كلام وجعني بيه بعد تصالحنا خاطر قلت تو بعد يتبدل بالك مع الوقت حبيت نهني على روحي وانا الي كلمتو و رجعتلو و اخر مره تناقشنا على امور الجهاز تحضيرات الزواج قلي كلام جارح ولو اني ما قلت شي مش عادي و حكيت كلام معقول في ما يخص مستقبلنا قلي سكر فمك و سب الجلاله و حكاية الخمر انا الي نقرر ربي باش يحاسبني مش انت هذا كلامو و بعد قلي شوف حياتك و ماعادش تطلبني انا من جهة مغطاضة و موجوعة و حسيت باش يتعبني خاطرو طبعو صعب حتى عاءلتو ما يناقشوهش و امو حسيتها تخاف منو متقدرش تلخو موقف و برغم هذا الكل الحكاية جديده عندها يومين نحب حد ينصحني يوجهني ويعاوني حتى بش ننسى اذا كان ممكن و شكرا