بين خطيبي السابق وحبيبي الأجنبي

مسا الخير جميعا. انا عمري ٢٧ سنه و كنت مخطوبة من فترة قصيرة و لكن انفصلنا بعد ما صار كثير مشاكل و وصلنا الى طريق مسدود. لساتني بفكر بخطيبي و بشتاق لأيامه لكن النا تقريبا ٤ اشهر تاركين و ما حكينا ولا كلمة من يومها. المشكله اني بشعر انه قريب مني و براقبني بس مش قادر يحكي لأني لمحته باكتر من مكان و بلشت احس انها مش صدفة و صار كزا شغله اكدت انه براقبني بس مو قادره افهم شو بحاول يعمل؟ ممكن يكون فقط يتلاعب بمشاعري؟ ولا فعلا ما اله عين يقرب او لسه بقنع اهله فيي؟ في هذه الاثناء في شاب اجنبي كانت تربطني به علاقة صداقه لا اكثر ولا اقل من ايام الجامعة في ايطاليا اعترفلي بمشاعره و بنيته الزواج، و اخبرني انه حابب يزورني على عمان و نتعرف على بعض و نبني علاقة نضيفة. و لما عرف اني خطبت زعل، و قرر يرجع يتواصل معي اول ما عرف انه تركت. المشكله خايفه اتهور و اتسرع و اندم لاني لسا بحب و بفكر بخطيبي السابق و بنفس الوقت متضايقه من كيف هنت عليه كل هذه الفترة. مع العلم خطيبي عرفته شهرين قبل الارتباط كان كتير غيرة و عصبي و غير كلشي بحياتي و بده يمحي شخصيتي بالكامل ليشعر اني بحبه و مهتمه فيه و انا رضيت لأني حبيته و مع كل هاد تركني على اتفه الاسباب بحجه عقلي مش معه و اني ما بحبه. و هلا انا واقعة بين نارين بين انه اكمل حياتي ولا اصبر. الرجاء ان تنصحوني ما هو الحل المناسب؟ شو اعمل؟ هل الزواج من اجنبي سيشعرني بفرق على المدى البعيد ام انتظر لزوج عربي؟ مع العلم الشاب الاجنبي من عائله ايطالية محافظة و محترمة. اسفه على الاطاله.