هل انتظره حتى يخطبني ؟

السلام عليكم انا طالبه ادرس بكالوريوس عمري ٢٢ الحمدلله جميله في موضوع حابه تساعدوني هيا الموضوع اني حبيت شاب عن طريق برنامج سالتو نكون اصدقاء ونعرف بعض اكتر والشخص دا من طريقه كلامو حسيتو غير عن كل الشباب الي كنت اعرفهم واسمع بيهم انو الشاب دا محترم ومثقف جدا وصرنا نتكلم كتير ومانحس بالوقت يوم عن يوم صرت أتعلق فيه وهو نفس الشى وطلب يخطبني بس قالي اخلص من الشغل اقل شى سته شهور قال اوعدك قلت على خير وكل يوم يكلمني طول الوقت وصار مواضيعنا فيها تعمق وكدا هو عايش برا عشان شغل وانا من جده المهم طلب مقابلتي يجي عشاني ويضغط نفسو عشان بس يشوفني المهم وافقت اقابلو لانو جاي من السفر وبعدها قابلتو واليوم تاني قال ابغى اشوفك مشتاقتلك فوافقت وبعدها من غير مانحس على بِعض عملنا علاقه بس من غير تعمق وبعدها جاني مشاكل مع اهلي لاني طلعت من غير مااستاذن منهم وقلتلو لازم نخفف مكالمات واخاف اهلي يزعلو وافق هو قال ماابغى اسببلك مشاكل وبعدين فهمتو انو مااقدر اقابلك فااقتنع قلتلو مره ثانيه نتقابل وانا من نفسي ماابغى اقابلو وحسيت اني اتسرعت وماابغى أغلط تاني طبعا وقت ماتعرفنا من البدايه قال انو حيعمل عمليه بكتفو عشان يتالم وكدا قالي كنت بعملها قبل مااشوفك بس قلت بعد مااشوفك قلتلو صحتك اولى واهم قالي بعد ماارجع من السفر حسوي.... المهم رجع من سفرته كنّا نتكلم ٢٤ ساعه انا حاسه نفسي ضايقه مابعرف ليش ....وبعدها قالي ايدي صار يتخدر وحعمل عمليه قلتلو كويس سلامتك وبعدها استنى يكلمني بس ماكلمني صار يومين حاسه اتعلقت فيه نفسيتي تعبانه مش عارفه ايش اعمل ...ايش تنصحوني اعمل عشان يسرع من الخطوبه ويحبني ويتعلق فيني اكتر ؟ تنصحوني استنى ٦شهور عشان يجي يكلم اهلي ؟ ابغى اعرف مصداقيتو معايا