رغم تعذيبه لي وطلاقي منه الا أنني احبه

ما معنى الحب ، احس انى فهمته غلط، انا فتاة عندى ٢٥سنة ، اتخطبت لانسان كان اول رجل بحياتى ويكبرنى ب٨ سنوات ،حبيته جدا واعتبرته ابى واخى وابنى وحبيبى وصديقى وكل حاجة فى حياتى ، ولكنه لا يعتبرنى هكذا كان بينتقدنى ويشتمنى ويضربنى ويذلنى ويهددنى ويغلط فى اهلى وياخد مالى رضا او غصب ، وكل ده طبع بعد الزواج ،وكل د وانا مش بردله الاهانة او الضرب ولا بتكلم ولا بشتكيه مستسلماله وصابرة عليه علشان بحس انى مقدرش اعيش من غيره ومقدرش اتخيل حياتى هو مش موجود فيها،مش عارفة ليه ، انا عارفة انكم هتقولولى ازاى تحبيه بعد اللى بيعمله فيكى هقولكم معرفش مش عارفة اكرهه ليه، انا عامة اتطلقت منه بعد معاناة بعد اخر حادث ضربه لى بعنف شديد ، رقدت اسبوعين فى السرير لكى اتعافى من وجع والام الضرب والورم فى جسمى منه. سؤالى يا اخواتى كيف اعيش سعيدة بعد الطلاق وكيف مازلت احبه وافكر فيه بعد كل هذا ،لماذا احس ان حياتى توقفت يوم البعد عنه، هل انا فعلا اعشقه ،كيف اعشق انسان يفعل بس كل هذا، هل هذا حب ام تعلق ام تعود، هل سوف استطيع ان انساه ،هل يمكن لى ان احب واتزوج غيره،ما معنى الحب بين زوجين وكيف يكون ؟؟؟؟؟؟؟؟؟ علما انه مر على طلاقى منه شهرين و فترة الزواج كانت ٣شهور فقط. ساعدونى اريد اجابة على هذه الاسئلة التى تدور فى عقلى .