لماذا يحب الرجل السيطرة على حبيبته؟

لماذا يحب الرجل السيطرة على حبيبته؟ تعرفت على واحد بالشغل٬ هو اعجب فيي وبس حكالي حسيت انو عاجبني ودخلت معاه بعلاقة حب

هو عاجبني كتير من كل النواحي بس مشكلتو انو بحب دور السيطرة وبيعتبر انو الرجل صاحب الكلمة الاولى والاخيرة٬ انا شخصيتي قوية وما بقبل حدا يتحكم فيي وبالتالي صار بيناتنا كتير خلافات٬ بيحكيلي اني ما عندي انوثة لاني ما بخجل وصوتي مو واطي وبعبر عن رأيي قدام اي حدا وانو بحس انو مو رجل قدامي واني بحب اخد منو الاضواء

ولاني بحبو حاولت اغير حالي وصرت لما نطلع اضل ساكتة واخليه هو يحكي واسالو رايو قدام اصدقاؤه الا انو اتهمني اني باخدو قد عقلو وبمثل٬ وانا هلا محتارة شو بالزبط بدو ومو عارفة ارضيه٬ انا ما بهمني اسيطر بس كمان ما بقبل انو شخص يحتكر الصح ويعتبر انو رأيو غير قابل للنقاش٬ كيف اتغير وارضيه؟ اريد حلا ساعدوني