اكتشفت الحب في الأفلام التركية وقلدتها!

انا بنت بحياتها ما حبت شب كان كلو زملاء او صداقة رسميه وكله بحدود ما تركت مجال لحدا لاني بدي حدا احبه جد واكمل معه مو تسلاية ، فما حدا شد اهتمامي وكان عليه العين و الحب كله كان مو وقته هلا لساتني صغيرة عموضوع جاد (عمري ٢٠) المهم كل صاحباتي بحبوا وبعرفوني على حبيبهم وكلهم دايما بحكولي عن حبهم يعني بسبب صاحباتي عرفت كلشي عن الحب بس كله كان من وجهة نظر بنت و تخيلاتها والافلام التركية كتير مأثرة علينا احنا البنات . قبل سنه تقريبا تعرفت على شب ضربنا صحبة كتير ٢٤ ساعة نحكي بيعرف كلشي عني وعن مبادئي بس صداقة بيننا وكان شخصيته جميلة كتير كان يخاف علي ويهتم وضحك وبوثق فيه كتير بكلشي خلص صحبة سنه بعرفه منيح بس اتطورت القصة وللاسف جربت معه اشياء ما بتمنى اجربها مع اي حدا غير زوجي ، طبعا هالشي غير علاقتنا بطلت زي قبل واكتر شي تغير وخانقني انه بطل يحترمني وانا ما الي عين بكل قوة احكيله اني محترمة زي قبل ، هو غلطة بحياتي بس بحاول اطلع ايجابيات من القصة (زي انه علمني كتير اشياء مفيدة بالحياة)المهم كرهت كل الشباب وشخصياتهم من وراه كان دايما يحكيلي عن الشباب وشو بيعملوا مع البنات و اظن اني متعقدة منهم يعني لما يجي حدا يطلبني رح اكون وحدة نكدية وشكاكة انا ما بدي هالشي بدي اعيش براحة مو نكد رح اضل هيك ولا لا والسؤال التاني رح يضله هاد الشب مأثر علي ، حاولت ابعد عنه بس خلص هو جزء من حياتي حاليا ما بأدر اطلعه