مع السنين اكتشفنا اننا وقعنا بفخ الحب

السلام عليكم و رحمة الله وبركاتهمشكلتي تكمن مع صديقه قديمه لي حبتني وكنت ما ابغى يصير بيننا الا صداقه وسواليف وفضفضه لاني كنت اعمل في مكان بعيد جداً عن مقر اقامتي وكنت اسكن هناك وما اشوف الاهل الا ب الشهر مره تقريباً واحيناً تزيد المده . البنت بدت تتعلق فيني وما حبيت هالشي ابداً وصارحتها ب الموضوع وقلت نبتعد عن بعض لاكن هي قامت تكابر وتقول انا اخاف عليك لاني اعرف وضعك بعيد عن الاهل ونفسيتك دايماً تكون سيئه بسبب عملك . انا صدقتها ولاكن مع السنين اكتشفنا اننا وقعنا بفخ الحب! كانت تبغ تبتعد عني ومو قادره وانا كذالك . في الوقت اللي قررنا نتزوج وكنا نبحث كيف نخبر الاهل ب انو نرتبط مع بعض حسيت بعدم رغبه منها. حاولت بكل جديه اني اعطي اختي رقمها وتتفاهم معها . صدمتني انو اهلها ارغموها ع الزواج من قريب لها وهي ما تبغاه . تزوجت البنت ولازالت تتواصل معي وانو ندمانه ع زواجها وابغى اترك زوجي وارجع لا اهلي. ما كنت ابغى اكون سبب مشكله بينها وبين زوجها قلتلها لا عاد تكلميني . قالت رقمك حافظته في مخي واي مشكله لي م يحلها لي الا انت كل هذا بسبب علاقتنا اللي تمت من سنين . البنت الى الان تتصل فيني ومتعلقه وما ابي اكون سبب في اي مشكله لها هي مو راضيه تشيلني من بالها . ارجوكم ساعدوني .